𝗣𝗮𝗻𝗴 𝗗𝗼𝘀𝗲 (12)
TULONG aladaw ko na naman pinag-ulayan ang sinabi sako ni Angel. Pagkatapos kaito, nagduman ako sa sentro. Sa dagat. Sa may sea wall. Ang sabi kang mga jovenes, sa sea wall daa nakakamati ning peace. Kung grabe daa ang gulo sa utak mo, magpasiring ka daa sa dagat tangani ka magkaigwang fresh mind. Maray pa ang jovenes.
Kung ano man ang namamati kong ini, totoo ba na namomoot ako? Ano man ang dahilan kang pagkamoot ko? Habuon ko kay JanPol. Habuon ko saiya. Pero nata, nagising na sana ako gusto ko na s'ya. Siguro...
"Karen!"
Dae na ako makadulag. Yaon s'ya sa kataid ko.
Tuminukaw s'ya sa kataid ko saka tinanaw ang dagat. Gwapuhon s'ya dawa minsan garapal s'ya.
"Anong iggibo mo digdi? Dae kang online class?"
"Sa January pa gayud." Sabi ko.
"Mapatabang giraray ako sa visual aid. Turuan mo ako kaidtong technique mo. Saka su FS mo, iuli ko na saimo sa aga." Sabi n'ya.
Nag eu sana ako.
"Tas ibahan mo ako sa aguinaldo. Tuktukon taka saindo."
Nag eu sana ako.
"Pakasalan ta ka na daw."
Bigla akong nakakiling.
"Nem kinurab ka baga, dae na kaya nagtataram. Naano ka?" Sabi n'ya. Nagpakarhay s'ya pagtukaw.
"Anong gigibuhon mo kapag narerialize mo nakakagusto ka na sa tawo?"
Dae s'ya naggirong...naghiling s'ya sa langit. Sa dagat. Sa mga aki. Padagos ko s'yang pighihiling. Hanggang sa nahiling ko sa pandok n'ya ang peklat. Natatahuban s'ya ning halaba n'yang buhok. Sinirip ko ito. Iniway ko ang nakatahob na buhok.
Nakahiling s'ya sako. Puon sa sintido pataas sa payo n'ya. Garu more than lima ang tahi kang payo n'ya.
"Naano an?"
Hinali n'ya su sakuyang kamot duman saka kinaputan su peklat asin nagngirit.
"Na kastahan kang bala."
"Dahil???" Hapot ko.
Nag simangot s'ya. "Narumduman mo kang nga aki pa kita. Pigaasar taka ta nagsasakat ka sa bayawas kababaye mong tawo. Nahiling taka na kaito. Nahiling ko maugmahon kang maray na nagpupudo. Sabi mo first time mo magkaon kang bago nanggad na pudo na bayawas. Kaso may garapal na traydor na mausip ki mama mo. Kaya nagsuntukan kami. Tinuplang n'ya ako nakatama su gilid kang payo ko sa bala. Dae mo man ito aram. Ang aram mo nagapo ako, kaya nagkabenda ako...."
Naghiling pa s'ya dagat. "...sabi ni mama, ika daa ang parapudo kang ugbos kang bayawas pagmalinig na ako kang lugad. Pigaabot mo sana daa, pigpapadara mo kay Angel ta habo mo ako mahiling. Sabi ni mama naaati ka gayud sa lugad ko."
Narumduman ko mananggad su pangyayaring ito. Dae akong masabi.
"Makaugmahon ka kaya paghilingon na nagkaakon na bayawas sa kahoy. Su tipong feeling mo nasa commerical ka. Nagngunguris ka pa kaito, hiling hiling ko nanggad su kadulaon mong ngipo sa inutan." Sabi n'ya pa.
Itinukod n'ya su duwa n'yang kamot sa may sea wall. Saka hiniling su magayon na paglubog na aldaw. Ako, nakahiling sana akong padagos sa iya. Natataman kang sildang ang mata n'ya. Sobrang gayon.
"Ang kasimbagan naman sa kahaputan mo, ang gigibuhon ko, hahayaan ko lang. Masiramon kaya sa pagmati na mamomoot. Dawa makulog, masiramon. Makaugmahon. Kase maugma s'ya. Maugma ka. Ang pagkamoot, kaugmahan an. Hayaan mo sana. Pabyan mo. Himation mo sana ang pigpapahimati. Ang mga namomoot, naoogma. Kung dae ka naoogma, namomoot ka ba?"
"Garu man sana na roller coaster ang pagkamoot. Makakurab pagyaon ka na. Makulog sa daghan. Makalulaon. Makasuka. Makalibong. Pero ano ang sabi pagkatapos? Enjoy. Makaugma. Kaya kadakol na tawo na kung pwede pa sana, uruutruhon na mamoot dawa makulog. Kase, makaugma." Dagdag n'ya pa.
"Namoot ka na?" Hapot ko saiya.
"Eu na. Dakulon na beses. Sa parehong sitwasyon asin lokasyon."
Dae ko aram. Dae man ako naginom na bonamin pero nawara su libong na namamatian ko.
Siring kang aldaw na nahihiling n'ya, nakompirma ko na saro man akong aldaw sa iya.
Ang sabi sa english, "I fall".
