𝗣𝗮𝗻𝗴-𝗮𝗻𝗼𝗺 (6)
"KADURAATAAAAAN!" nagrarait na biyo si Angel sa kataid ni Tep habang yaon kami sainda. Birthday kaya n'ya munyan asin inisturya ko sainda su nangyari tulong aldaw na ang nakalipas. Si Tep man nagkakaon sana na husay, nakabutas kang tinidor ta si Angel naghihikolhikol na.
"Mahungit ako Angel. Ha? Pede tadtaod ka na magrait?" Reklamo ni Tep na iguluguluhan na kasubago pa.
"Ay hehehe sorry na, kaya palan kaya nawara nasa bigla ang baknit na uni ta may kaduratan. Magkakapiday na gayod si Karen." Sabi n'ya saka nag-inom na juice. Kuminiling s'ya sako. Kinua ko ang cellphone ko saka pinahiling ko saiya su picture mi ni Louigie. Lugod nagrait na naman s'ya, nabutasan na ni Tep su tinidor n'ya buda hiniling si Angel na malain. Nagnguris sana si Angel saka puminundo.
"Nata mas igkikilig ka pa sako?" Hapot ko.
"Arog mananggad kaan. Mas makakilig sa iba kesa sa sadiring relationship." Sabi nya.
"Iusip taka sa piday mo. Sabihon ko dae ka igkikilig saiya." sabat ni Tep.
Nag dila sana si Angel na halatang naasar. Speaking of jowa, nag-uli na palan su Jowa ni Angel, nagpamanila na. Su piday naman ni Tep, nagbalik na sa Legazpi.
"Kami sana bisita mo?" Hapot ko saiya.
"Dae pa nag-aarab-AY IYAN NA PALAN!" puminalakpak s'ya kang mahiling na may nagabot. Nakakiling man ako sa pinto, yaon sila ace kaiba si...JanPol. Nawaran lamang akong gana magkaon.
May bitbit itong sarong case. Puro redhorse na sadit, may ribbon pa su case.
Dinulok ni Angel sinda asin nagriliwanag ang mata kang mahiling su redhorse. Lintiasan para inom talaga ang baknit na ini. Ibinaba ni JanPol ang saiyang bitbit saka nagtukaw sa samo. Bali kataid ko na s'ya sa sofa. Sila Ace, nagdiretso sa may lamesa nagkusit na puto.
"Dae kang klase boy?" Hapot ni Angel kay JanPol paka tukaw kaini. Ako dae sana nagirong.
"Dae man. TThS ako." Sabi n'ya.
Ay eu palan. Nagkaklase palan si JanPol. Graduating munyan.
"Aweyu. Ano kinua mong course?" hapot n'yq giraray.
"BSEd, Major in Math." Simbag n'ya.
"Awit su mga tipo ni Karen." Biglang sabi ni Daniel. Minasaraluso man sana man ang laknit na ini minakua sana ining spaghetti d'yan. Dae ko man nabubulabog ang buhay n'ya.
Nag-urulok man si Tep saka si Angel na ginatungan man ni Ace ki hirit.
"You're my infinity."
Lalo man na nag-urulok sa Angel.
"Muya talaga su iggigisa ako adi?" Sabi ko sainda.
"Nata?" Hapot ni JanPol.
Nagtukaw man si Christian sa may shoulder kang sofa sa side ni JanPol, may bitbit uning plato na may pagkaon. "Si Karen may manliligaw dati na Math Major. Gwapuhon, matalino, su mga tipo nanggad ni Karen."
"Anyare?" Hapot ni JanPol.
"Dae nag-asir sa katigrehan kang babayeng an. Binayaan s'ya. Naghanap na ibang easy to get." sabay hungit si Christian.
"Ano man kaan, dae ako labot." Sabi ko.
"Bago hinibian dati, yak pundo daw d'yan. Haluyon kaya saguton, maisugon pa." Sabi ni Ace.
"Aw dae ako mababa kang standards ko para sa lalaki." Sabi ko man.
"Ay wow." Nakikigkig na sabi ni Angel. "Gayun ka ghorl?"
"Aw nata?! Babaye ako." Sabi ko.
Nag-urulok sana sinda.
"Ano na ngani su sinabi kaitong math major kay karen dati?" Hapot ni Daniel habang nagsasapa ki lumpia.
"Halat...." Si ace nag-abo na igreready su boses. "You're my infinity."
Nag-urulok na naman sinda ta arog ni ace su boses kaitong math major.
"Wow muruyahon akong asaron." sabi ko.
"Math major pa." Sabi ni Tep.
"Math major mapanakit. No to math major na." Sabi ko.
Nagriribukan sa Ace saka hiniling man sinsa ni JanPol ning malain. Problema ninda.
"BEED na sana daa." Sabi ni Angel. "Magkakajowa na gayud si Karen. May progress na kay crush."
"Luh? Isay crush mo?" Hapot ni Ace.
"Si Louigie. Itong Cum Laude man arog ni Tep."
Sarabay na nag paralakpakan sa Ace habang nag-uulok. Si JanPol dae sanang girong girong saka nagiinom kang juice na kapot n'ya kasubago.
"Hago kaan. Harabuan na, may gusto na palan na iba si Karen."
