"The Queen Hatred His Empire King" (COMPLETED)

Part- 23

"The Queen Hatred His Empire King"

Part- 23

For unicode

"ကြင်ယာတော်ရှောင်..
မင်းကြီးမွေးနေ့မှာဘာပေးမယ်လို့စဉ်းစားထားလဲ"

"ကျွန်တော်မျိုးမစဉ်းစားရသေးပါဘူးမယ်တော်ကြီး"

"ဧကရီကရော..."

"ဝူယွဲ့လည်းမစဉ်းစားရသေးပါဘူးမယ်တော်"

ရှောင်ကျန့်တို့ဒီနေ့မယ်တော်ကြီးအမိန့်ကြောင့်နန်းပြင်ကိုရောက်နေကြသည်။သူတို့သုံးယောက်လုံးဘာအပြင်အဆင်မှမပါဘဲဒီအတိုင်းအရပ်သားတွေကဲ့သို့ဈေးဝယ်ထွက်ကြခြင်းဖြစ်သည်။ပါလာတဲ့ကိုယ်ရံတော်တွေ၊ရံ‌ရွှေတော်တွေကခပ်လှမ်းလှမ်းမှာစောင့်ကြည့်နေလျက်။

"ဒီလိုဈေးဝယ်ထွက်ရတာကောင်းတယ်
မင်းတို့ကြိုက်တာသာယူ
ဒီမယ်တော်ရှင်းပေးမယ်"

"ဝူယွဲ့စာအုပ်တွေဝယ်ချင်တယ်မယ်တော်"

"ကြင်ယာတော်ရှောင်ရော.."

"ကျွန်တော်ပိတ်စတွေဝယ်ချင်တယ်
အပ်ချည်တွေရော.."

"ကောင်းပြီ"

မယ်တော်ကြီးကနန်းပြင်ထွက်လာရလို့အပျော်ကြီးပျော်နေသည်။မျက်နှာကသိသိသာသာရွှင်လန်းနေသည်။နန်းတော်ကစည်းကမ်းတွေအာဏာတွေပြင်းတဲ့မယ်တော်ကြီးဟာအပြင်ရောက်တော့သူတို့ကိုလုပ်ချင်တာလုပ်ခွင့်ပြုထားသည်။သူတို့တွေစာအုပ်ဝယ်ပြီးတော့ပိတ်စတွေဆက်ဝယ်ကြသည်။

"သခင်လေး..
ဒီပိတ်စကကြာကရတာချည်မျှင်တွေနဲ့ရက်လုပ်ထားတာပါ
အရောင်ကလည်းအစိမ်းဖျော့လေးမို့မျက်စိလည်းအေးပါတယ်
ဝတ်ရတာလည်းသက်တောင့်သက်သာဖြစ်စေပါတယ်
ဈေးနည်းနည်းကြီးပေမယ့်ကျွန်တော်လျှော့ပေးလို့ရပါတယ်သခင်လေး"

ရှောင်ကျန့်ပိတ်စကိုကိုင်ကြည့်လိုက်တော့ရက်ထားတာကချောမွေ့နေသည်။အရှင်ကြိုက်တဲ့အရောင်မို့လို့အထည်ပေါ်မှာပန်းထိုးပေးလိုက်မည်။နွေရာသီမှာဝတ်လို့အဆင်ပြေလောက်မှာပါ...

"သူဌေး..
ဈေးပေါ့တဲ့ချည်သားတွေမရှိဘူးလား"

"ရှိတယ်သခင်လေး
ဒီဘက်မှာပါ"