#فصلية_شيخ
فتاة تذهب فصلية ل شيخ مغرور لا يعترف بالحب .. ستواجه عذاب وصعوبات لتكسب قلب الشيخ .... تابعوا القصه .. هل سيقع الشيخ في الحب ؟
#بنين ال عباس
احب اعرفكم على نفسي اني أشجان عمري 20 سنه ...
عندي اختي الكبيرة إيمان متزوجه وعندي اخوه اكبر مني سيف وسلام
امي معلمة وابوي موضف بدائرة حكوميه
اني خلصت معهد تقني قسم محاسبه
سيف خريج معهد طبي وسلام متخرج من كلية ادارة اعمال ... حياتنه كانت طبيعيه .. طبعاً امي تحب اخوتي اكثر منه احنه البنات ... علاقتي بأخوتي قويه وحلوة حيل احبهم ....مواصفاتي طولي وسط وزني 55.. بيضه.. شعري طويل ملامحي حلوة .. عندي غمازة من اضحك
_____________
إيمان .. مرحبا أني ايمان اخت اشجان عمري 27سنه اكبر وحده عند اهلي .. ورايه اجه سيف وبعده سلام واخر العنقود اشجان .... اني متخرجه من معهد المعلمات ..قصتي انه اني جنت احب ابن عمي وهو هم يحبني ... بس امي وامه ميتحاجن .. امه متقبل بيه وامي متقبل بيه .. ..قصتي بالبارت الي جاي تابعوا....
_________
بيت الشيخ
اعرفكم عن نفسي اني شيخ ضرغام...
عمري 28 سنه خريج كلية ادارة واقتصاد قسم ادارة اعمال ...
اني اكبر واحد بأخوتي عندي اخوه اصغر مني
نجاح ومنتظر .. واخوات اثنين متزوجات ابوي الشيخ الله يحفظه عايش ...
اني طبعي عصبي ومااعترف بحب ولا نسوان
مادخلت كلبي مره ابد .. بس القدر كتب انه احب فصليتي
#الحلقه 2
________
نبدي بقصة ايمان .....
إيمان .. قصتي بدت من جنت رابع معهد مات جدي ابو ابوي رحنه للفاتحه ... طبعاً امي علاقتها بنسوان عمامي موقويه حتى عماتي .. امي متحب اهل ابوي ولا همه يحبوها لذلك هيه منعزله ..تروح الهم بس بالمناسبات شوي ونطلع مجرد نسلم على بيبي وجدو .. حتى احنه اني واشجان علاقتنه ببنات عمامنه او عماتنه هم مو قويه .. المهم نرجع ليوم الفاتحه .. رحنه اني وامي... واشجان بقت بالبيت ... سلمنه على عماتي وبيبي .. عماتي جانوا حيل منهارين على جدوا .. لان وفاتة صارت فجأة ... امي ضلت وياهم بالعزا واني كمت يم البنات اساعدهم طبعاً الفاتحه جانت حيل ازدحام والتهينه جاي وماي والملاية تنعى والصياح والهوسه والي تدخل تصرخ .. المهم هنا اني حيل دخت كتلهم اروح لغرفة بيبي شوي ارتاح .. رحت لغرفة بيبي كعدت شوي واجتي بنت عمي .. كعدنه نسولف على الدراسه بنت عمي(شيماء) جانت مخطوبة وعلى الاساس بعد سبوعين زواجها بس وفاة جدو راح تتأخر زواجها .. وسولفتلي هم على وفاة جدو وشلون توفى .. وبجينه شوي عليه .. واثناء منسولف دخل علينه علي ابن عمي اني اول مره اشوفه . هو رأساً كال العفو مااعرف انتوا هنا .. صاح لاخته .. هنا اني عرفت هو ابن عمي اخوها ل شيماء ... ضليت اسولف بكلبي خرب عندي هيج ابن عم واني ماادري شنو الهيبه شنو الثكل شنو الجمال خرب ... شنو هذا .. لج ايمان عقلي شنو هالحجي ..
شوي واجت شيماء .تضحك .. كالت هذا علي اخويه .. شافج هنا عباله وحده من صديقاتي من كتله انتي بنت عمي صالح انصدم بيج ..
ايمان .. حقه ينصدم .. هو احنه قابل واحد شايف اللاخ .. شيماء .. اي والله مشاكل امهاتنه فرقتنه عن بعض ... الله يهديهم
ايمان .. امين ...وكمنه هم رجعنه للمطبخ نشتغل وطبعاً لا تخلوا من بسامير بنات عمامي وعماتي .. كل شوي اسمع حجايه شكل اني بطبعي باردة مااهتم للحجي اسمع منا واطلع منا .. ودائماً ابتسم حتى اضوج الي يريد يضوجني .. طبعاً لليل امي قررت ترجع للبيت بس بيبي كلتلها خلي ايمان يمنه وي البنات لان باجر لازم من الصبح يكعدن واريدها وي البنات يشتغلن .. امي مكالت لا .. كالتلها بكيفج عمه الي تردينه يصير .. وبقيت بيت جدو ونمنه ب الليل احنه البنات بغرفه وعماتي وبيبي بغرفه والشباب ناموا بالغرف الفوك
بليل ب 3 كعدت شبعانه نوم ... كمت توضيت وصليت صلاة الليل ودعيت لجدو بالرحمه ... كاعده اني بالاستقبال وسمعت صوت شوي ودخل عليه علي ابن عمي كلي انتي شسوين هنا ...كتله جاي اصلي متشوف لابسه احرام الصلاة ....
علي .. بعده اذان الفجر مااذن
ايمان .. اعرف بس جاي اصلي صلاة الليل .. كعدت شبعانه نوم
علي .. حتى اني كعدت شبعان نوم مابيه ارجع انام بعد
ايمان ... تاكل وياي ... ؟
علي .. اي والله جوعان . .
ايمان .. اوكي لعد راح اسوي مخلمه (طماطه وبيض).
علي .. مااعرف بس ماارغبلها ...
ايمان .. بالعكس طيبه راح اسويها وانطيني رأيك ..
علي ..ماشي ..
ايمان .. كمت للمطبخ سويت المخلمه وياها جاي خدرت هم .. وطلعت خبز وحميته على الطباخ ...وخليت الاكل بصينيه ورحت للاستقبال لكيته كاعد على تليفونه
ايمان .. يلا تاكل .
علي .. اي بسم الله
الله عاشت ايدج والله صدك طيبه .. اني جنت ماارغبلها امي واخواتي ميسونها هيج طيبه ..
ايمان .. بالعكس عمتي الكل يسولف بطبخها
علي .. اي بس بالمخلمه متجيبها هيج طيبه . ماشاء الله عليج نفسيه حلوة بالطبخ ..
