Unicode
ဟေး အားလန်က တော့ သူ့မှာ
ဘာတွေဖြစ်ပျက်လာမလဲဆိုတာ
အရိပ်အမွက်လေးတောင်မသိဘဲနဲ့ အပူ
အပင်ကင်းစွာနဲ့ မြင်းစီးပြီး အိမ်တော် ပြန်လာနေတယ်။
မနေ့က သူ့ရဲ့ အထက်လူကြီးဆီကနေ
အဆူပူခံရတဲ့အပြင် အဘွားဆီကနေ အမေ့မွေးနေ့အိမ်ပြန်လာဖို့ဆိုတဲ့ စာပါ ရလိုက်ရတော့ ဒီနေ့ အိမ်ပြန်လမ်းမှာ စိတ်အခြေအနေက သိပ်အဆင်မပြေနေလှဘူး။
ဒါနဲ့ မဆင်မခြင်တရှိန်ထိုး မောင်းလာတဲ့ မြင်းလှည်းကို မြင်ရတဲ့ အထိ မြင်းကိုဇာက်ကြိုးတောင် မထိန်းဘဲ
အရှိန်ပြင်းပြင်းနဲ့ စီးလာတော့တာဘဲ။
အဲ့ဒီ မဆင်မခြင်မောင်းတဲ့မြင်းလှည်းက
မရပ်ခင်မှာဘဲ လှည်းထဲနေ တယောက်ယောက်ခုန်ထွက်လာပြီးတော့ သူ့မြင်းရဲ့ ဗိုက်နားကို ပစ်ဝင်လာတယ်။
ဟေးအားလန်ကလည်း ကိုယ်ခံပညာကို အထူးတတ်ကျွမ်းထားသူဖြစ်တော့ ခါးကို နှစ်ပတ်လောက်လှည့်ပြီး လှည်းထဲနေ ထွက်လာတဲ့ တစ်ယောက်ကိုသူ့ရဲ့ ကြွက်သားတွေအပြည့်နဲ့ လက်မောင်းကြားကို ဆွဲယူလိုက်တယ်။
အဲ့လိုလုပ်ဖို့အတွက် မြင်းရဲ့ ဘေးဘက်ကို ကန်ချလိုက်ရတော့ မြင်းက ကြောက်လန့်တကြီးနဲ့ ခါချတော့တာဘဲ။
တော်ဝင်မင်းသမီးတွမ့်ကျားမှာ ဟေးအားလန်ရဲ့ လက်မောင်းတွေထဲမှာ နစ်မြုပ်လို့နေတယ်။ဟေးအားလန်ကတော့သူမြင်းပေါ်က ပြုတ်ကျတော့မယ်လို့ ခံစားမိတာနဲ့ က်ိုယ်ကို ထပ်လှည့်ပြီး မြင်းပေါ်ကနေ ကိုယ်တိုင်ခုန်ဆင်းလိုက်တယ်။ ဒါပေမယ့် ခန္ဓာကိုယ်က ဟန်ချက် မထိန်းနိုင်တော့ဘဲ မင်းသမီးတွမ့်ကျားအပေါ်ကနေ ထပ်ရက် ပြုတ်ကျမယ့် အခြေနေဖစ်သွားတယ်။
ဟေးအားလန်က ချက်ချင်းဘဲ သူ့လက်မောင်းကြားမှာ ဖက်တွယ်ထားတာ နုနယ်တဲ့ မိန်းမငယ်လေးမှန်း သတိထားမိသွားတယ်။
သူသာ သူမအပေါ်ကနေ ထပ်ရက်ပြုတ်ကျသွားရင် သူမအတွက် နာကျင်မသွားနိုင်ဘူးလား။
ဒီလိုတွေးမိတာနဲ့ ချက်ချင်းဘဲ ဆုံးဖြတ်ချက်ချပြီး ခန္ဓာကိုယ်အနေအထားကို ပြောင်းလဲလိုက်တယ်။
သူရဲ့ ကြွက်သားတွေနဲ့ လက်တွေက မင်းသမီးတွမ့်ကျားကို ရင်ခွင်ထဲထည့်ပြီး တင်းကျပ်စွာဖက်တွယ်လို့ထားတယ်။
YOU ARE READING
Transmigrator meets reincarnator (mmtranslation)
HistoryczneTitle: Transmigrator meets reincarnator Not my own story.Just translation. Credits to: Written by:Snow Mountain Mists Translated by:timebun, Premonition,Myst Edited by: renderedreversed Total-340chapters Start date-10.7.2021
