البارت الثاني
رواية عنفوان مهاجر
بقلمي سميرة ابو رمضان
اللهجة العراقية بقلم المبدعة نورا ناصر
💜💜💜💜💜💜💜💜💜💜💜💜💜💜💜💜💜
حسن ...
جنت اني فوك الطفل ولهيج انا الي تضررت اكثر منه ... انضربت براسي من ورى وظهري تجرح كله حتى الجلد انشال منه ... وكعت على الكاع على صفحتي اليمنى
اما الولد عباله انتصر عليه وبعدني عنه رفع راسه يحاول يكوم على حيله وهو ديكوم انضرب راسه بحديد السيارة ووكع بصفي
اللتمو الجيران والساكنين بالمنطقة وشالونه اني والطفل ودونه للمستشفى
جنت اني انزف من راسي نزف قوي اخذني اخذ ومن ظهري همين ... دخلوني للاسعاف وبدوا الاطباء شغلهم اخذولي اشعة وتخطيط
الولد الي جان وياي وصفوله ادوية وخيطوا راسه ثلاث خياطات اما اني بقوني بالانعاش ومنعوا اهلي من زيارتي
وبقيت بالعناية المركزة لمدة اسبوع بعدها طلعوني منها ودخلوني لغرفة خاصة بقيت بيها لمدة اسبوعين وخلال هاي الفترة رجعتلي عافيتي الاطباء بلغوا امي تجي باجر حتى تطلعني من المشفى وخطية هيه فرحت كلش من سمعت بهذا الكلام ...لدرجة ظلت تبوس بيه واني على سرير المستشفى
ورة مخلص اليوم واجه موعد خروجي من المشفى اجه واحد من الاطباء وانطاني ابرة بنسلين واخذتني امي وطلعنا من المستشفى ورجعنا للبيت
بس وصلنا للبيت حسيت الدنيا تدور بيه وبعدها فقدت الوعي مباشرة
فاطمة ...
طلعت اليوم من البيت واني بقمة سعادتي وشلون ماافرح واليوم ابني وفلذة كبدي راح يطلع من المستشفى وينور البيت بجيته
رحت للمستشفى وطلعت ابني حسن ورجعنا للبيت بس الي صار ماتوقعته يصير بس دخلنا للبيت رحت حتى احضرله لكمة ياكلها سمعت صوت شي يوكع
طلعت اركض بسرعة شفته حسن واكع ومتكوم على الكاع وفاقد الوعي
وبسرعة رجعته للمستشفى ...
الاطباء سالوا شبي وشنو صار
جاوبتهم فقد وعيه
جان حسن بين الحياة والموت او بينه وبين الموت شعره وحدة بس
الي خلاني اشك بانو ابني حالته خطرة هو تجمع الاطباء فوك راسه بحيث كدرت احسب عددهم كانوا عشرة
جنت اسمعهم واحد يكول للثاني
الطبيب الاول : شصارله ؟
حجه اللخ : شنو انطيتو قبل لا يطلع ؟
