العنود كانت في الصاله تأكل كورن فليكس وتفرج على مجله لتصاميم زياد نكد عشان تشوف لها فساتين لحفلة ملكتها.
ويرن جوالها بنغمه مميزه لما شافت الاسم "الهنوف" ابتسمت بتسليه وردت بدلع.
العنود:الو.
الهنوف بصوت يتقطعه الحماسه:الو..هلا والله بالعنود..
العنود ضحكت:هلا والله باحلى عروس في الرياض كلها.
الهنوف استحت:لاعاد العنود لا تذكريني ترى بموت من السحا.
العنود اندهشت وهي تضحك:يؤ يؤ..تستحين وعرسك بكره ..اقول خل عنك الدلع زين لاني الوحيده اللي خابزتك وعاجنتك.
الهنوف ضحكت:ههههههه لا والله جد خايفه مرررررره يالعنود..مو قادره اصدق ان بكره عرسي وبطلع على الناس اللي بتركز كل عيونهم علي.
العنود وهي تحاول تهديها:بالعكس كلها كم ساعه بتقعدين فيها على الكوشه وتطلعين.
الهنوف تذكرت:الا صح مبروك سمعت انك انخطبت..!
العنود ابتسمت بخجل:الله يبارك فيك .
الهنوف وهي تمثل الزعل:يالماصله ماصبرت لين أتزوج وتنخطبين يعني لازم تسرقين مني الاضواء.
العنود ضحكت:هههههههههه ليه ..؟
الهنوف وهي متحمسه:لاني كنت ابيك تشوفين اخوان سعود يجنننننننننون كل واحد يقول الزين عندي وعشان بعد تأخذين واحد منهم ونقعد انا وياك في بيت واحد.
العنود استنكرت:جد والللللللللله وش هالتواضع يالشيخه هنوف اتزوج بس عشان اوسع صدرك.
الهنوف بحزن:وش اسوي ماتصورين قد ايش خايفه لاني بروح ديره ماعرف فيها حد غير خالتي وعيالها اما عن اهلهم فما اشوفهم الا المناسبات.
العنود وهي تهون عليها:معليه هونيها وتهون..بكره ان شاء الله بتعرفين عليهم وبتعودين عليهم.
الهنوف بصوت هادئ متألم:الصراحه يالعنود ..المسأله اني ماأقدر على فراق امي فما بالك اني بروح ديره ثانيه عنها.
العنود حست بالحزن عليها:لان شاء الله ماراح تبعدين عنها ..بعدين من بعد جده عن الرياض.
كملت الهنوف وصوتها يتخلله الحزن:حتى ولو.. أنا لوكنت في الرياض كان زرت امي كل يوم لكن في جده بضطرأزورها كل خمس شهور.
مرت لحظة صمت بينهم تفكر فيها العنود عن كلام يخفف على الهنوف حزنها على فراق أهلها.
لكن الهنوف بادرت بالكلام أول:الا قولي لي من سعيد الحظ اللي خطبك..؟
العنود وبكل فخر: فواز العالي .
الهنوف بحيره:اول مره اسمع فيه ..؟ من جماعتكم هو..؟
العنود هزت رأسها برفض:لا من معارفنا.
الهنوف كملت بفرحه:اللللللللله يهنيكم ان شاء الله.
العنود بهدوء:تسلمين حبيبتي.
الهنوف كملت بتفكير:عالعموم حبيتك تجين نزينين انت وهيوف معي عند الكاوفيره.
العنود باستخفاف:خلاص تأمرين امر ..ترى انا بطيعك بس عشانك عروس مو عشان اي شئ ثاني.
الهنوف بحمق:لا واللللللللللللللللللللله!
العنود ضحكت:هههههههههههههه من جدك صدقت ..ليه ماتعترفين انك تحبيني ولاتقدرين تستغنين عني وتفتكين ..؟
الهنوف ببرود:اقول العنود وجع عن العبط واسمعيني ..ترى ماراح اطلع على المعازيم الاوانتم معي.
العنود بتملل:ماشي ..اي اوامر ثانيه ياست الهنوف..
الهنوف ضحكت باستعباط:هههههههه اي كذا اصطفلي..يله باي.
العنود ضحكت:ههههههه باي.
العنود سكرت من الهنوف وهي تفكر في حال الدنيا كيف بسرعة دارت عجلة الزمن.. ولامن يصدق ان عرس الهنوف بكره وملكتها بعد كم يوم وهيفاء بتلحقهم عن قريب..تذكرت العنود طفولتها اللي جمعتها بهم وذكريات شقاوتهم ولحظات حزنهم ودقائق فرحتهم ..لحظتها كان قلوبهم صافيه وتفكيرهم محصورفي اشياء بسيطه مثل رسوم الكرتون ومن تشتري أحلى شنطة مدرسه ...اشتاقت ترجع طفله لأن عقولهم الصغيره ماحملت الهموم ولا الام الكبيره ..اشتاقت لبراءتهم الحلوه وقلبهم العفوي اللي يزعل ويسامح بسرعه ..اما الحين خلاص كل واحده منهم بتروح في دربها وبتبدأ حياه جديده مع شريك حياتها.
