رواية خوي👫

الحلقة الاولى

رواية خوي👫

الحلقة الاولى

للكاتبة: لولو حبيب

_______________________

كنت طايحة وشاده يدي ونبكي فجأة كعمز جنبي وشد يدي باسها وشبحلي وقال توا توجع فيك اني ضحكت في وسط دموعي وقتله لا ابتسم وابدي يضرب في التراب وايقوله اعلاش طيحت اختي

{ اي هوا خوي اي هوا سندي هوا نبضي هوا قلبي هوا ظهري هوا كل شي في حياتي}

نذكر واني مبتسمه انفتح باب الدار بالقوة

اني وقفت: خيرك خيرك

مروان: الشحن وين الشحن وين

اني: مش عندي وبعدين اعلاش بناخده وعندي شحني

مروان: امالا مني خداه

اني: منعرفش

مروان: اه يافرخة اعطيني شحنك به

اني: اكيد لا.. شحني

مروان طلع وابدي يدور في شحنه اني امشيت حطيت شحني في داره ونزلت

اني: هوني شحنك في دارك غير انته مشالله دورت كويس

مروان: في داري

اني: اي

ركب مروان خش داره لقاه علي السرير وهوا كان متاكد انه شحنه مهناش ضحك وعرفه شحن مروة

كعمز علي السرير ويذكر

🌠

مروان: اعطيني

اني: لا

مروان: باللهي اعليك

اني: لا

مروان: به فيه في الفريز

اني: لا تم

مروان : كان مزال اعطيتك حاجة

اني: به

امشي مروان للمربوعة اني ركبت نجري حطيت جيلاطي علي السرير مروان كان واقف يتفرج اعليا اني جيت بنطلع هوا دار روحه جاي لداره

مروان: شني كنتي اديري

اني: شي كنت اندور علي حاجة وملقيتهاش

مروان: به

اني امشيت وهوا قعد يضحك وفرحان بيا

🌠

///////////////////

لحظة انعرفكم اعليا اني مروة مواليد 96 نخدم مهندسة معمارية

خوي مروان مواليد 95 يخدم كابتن طيار

ماما فاطمة كانت تخدم ابلة وتوا معاش تخدم

بابا محمد يخدم مهندس نفط

وهادي عيلتي

///////////////////

ماما: مروة يامروة

اني: نعم ها

ماما: عصا تعالي يافرخة