رواية خوي👫

الحلقة التانية ^ تاجر المخدارات^

رواية خوي👫 ^ تاجر المخدارات^

الحلقة التانية

للكاتبة: لولو حبيب

_______________________

رانيا اتكت وقعدت تشبحله وهوا يخدم بالاب توب قام رعد راسه من الاب توب

رعد: ترقدي ولا انوض

رانيا غمضت عيونها بالقوة: لالا رقدت

رعد ضحك وكمل خدمته

ناض وقف لقي رانيا رقدت قام الاب توب وفتح الباب وقف يفكر شوي بعدين صقره وخش حط الاب توب جنبه ورقد علي الصالون

//////////////

اصيل: تراقبو فيه كويس

الشاب: اي لكن مانقدروش نقدمو خطوة وحدة منه

اصيل: عرفتو حوشه وين

الشاب: اي عنده زوز خوات وحدة متزوجة ومتطلعش هلبا والتانية عايشة معاه والصبح تمشي الثانوية

اصيل: تمام انته هكي تمت مهمتك تقدر تمشي توا

الشاب دار التحية وطلع

اصيل: نجيبك نجيبك يارعد

////////////

الصبح🌅

فتحت رانيا عيونها لقت رعد راقد علي الصالون ومن دون غطاء ناضت حطت اعليه البطانية وامشت توضت وصلت وخشت دوشت ولبست حوايج المدرسة ووقفت علي المراية تساوي في وشاحها

رعد فتح عيونه: صباح الخير

رانيا: صباح الورد

رعد ابتسم: نوصلك

رانيا: لالا خليك مرتاح

رعد: اني عندي خدمة هلبا اليوم مرات انروح في اليل متقعديش في الحوش بروحك

رانيا انصدمت من كلام خوها

رعد: هي نكلم فيك

رانيا: به به حاضر

اخدت شنطتها والجيبوطي وجت بتطلع

رعد: البسي كويس اليوم صقع هلبا

رانيا: حاضر تو تلقى فطورك واتي

رعد: افطري كويس

رانيا: حاضر حاضر هي باي

رعد: باي

طلعت رانيا ورعد ابتسم علي صدمة اخته من كلامه ووقف ايشوف فيها من الروشن

طلعت رانيا وهيا شاده بريوش وتاكل فيه وتفتح في الباب طلعت وسكرت الباب حطت شنطتها لوطة وقعدت تلبس في الجيبوطي

درست سيارة قدامها وفي حد حطلها مخدر علي خشمها وفمها وطاحت بين ايديه ركبها في السيارة وطلع بيها بسرعة

رعد سمع صوت السيارة القوي طلع يجري لقي شنطة اخته والبريوش طايح من يدها عيط بغل وضرب الباب برجله