رواية خوي👫

الحلقة التانية

رواية خوي👫

الحلقة التانية

للكاتبة: لولو حبيب

_______________________

معاش جاني النوم بعد مامشي مروان نضت توضيت وصليت ونزلت حطيت الغدي علي النار واقعدت انضم في الحوش بعدين ناضو بابا وماما امشيت وتيت الفطور  وكعمزنا فطرنا وامشيت طفيت علي الغدي

اني: ماما هوني الغدي طايب بعدين سخنو وسقو بس

ماما: ديما انقولك معاش اتعبي روحك تو اني انطيب

اني: لالا عادي

بابا: انتي بتروحي قبل الغدي ولا

اني: منعرفش كان عطلت تغدو عادي

وركبت بدلت حوايجي ونزلت ولعت السيارة وامشيت للخدمة خشيت للشركة

فاطمة: صباح الخير جيتي وجابك ربي

اني لفيت وبنطلع

فاطمة: غير تعالي جاي

اني لفيت: جيتي وجابك ربي وراها حاجة

فاطمة: ههههه والله قلتها لاني كيف جايبة القهوة قلت تعالي اشربي

اني: اه خلعتيني

فاطمة ضحكت: ههههه تعالي تعالي

اني امشيت كعمزت جنبها صبتلي وابديت نشرب

اني: مني جي

فاطمة:  معاذ بس

اني: خيره مجاش يشرب قهوة

فاطمة: خاش راقيتله قتله تعالى قالي منبيش

اني: اكيد المدير

فاطمة: ااه منه وخلاص بيجلطني اني كل شي فاطمة والمشكلة يغلط في اسمي ينادي فيا زهرة

اني : هههههه عادي عادي اصلا اسمك فاطمة الزهراء عادي

فاطمة: ننننن

اني حطيت الطاسة: هي تشاو توا عندي خدمة هلبا

فاطمة: اي حقا خوك وين

اني: خوي خيره

فاطمة: وين امشي اما دولة اليوم

اني: الأردن

فاطمة: ياريته رفعني معاه

اني ضحكت: المرة الجاية

امشيت للقسم متاعي كنت اني البنت الوحيدة في القسم قسم المهندسين كانو فيه 3 ولاد واني خلي نعرفكم اعليهم

//////

معاذ: مواليد 90 متزوج وعنده بنت زي العسل ومرته تهبل وجوها حلو

عبدو: مواليد 94 خاطب بنت تخدم معانا لكن في قسم المالية

منير: مواليد 93 لامتزوج لاخاطب ومش مفكر في الموضوع بكل هههههه