رواية خوي👫

1

رواية خوي👫

الحلقة الاولى

للكاتبة: لولو حبيب

_______________________

خشت للحوش وهيا عظامها متكسرات وتشبح في زحمة السيارات والعيلة الي يخشو امشت خشت دارها واتكت علي السرير بالعباية وبالكندرة وهيا تاعبة وعيونها يتغمضو بروحهم شرين التلفون خداته وردت

وتين: الو

ادم: وينك ياحمارة

وتين: شني تبي ياحمار

ادم: تعالي دخلي الحاجات خشيتي وخليتيني بروحي

وتين بتنقنيق: ماهو معاك ولاد وبنات العيلة اخطوني شوية اني

ادم: اني نبيك انتي تاخدي مني اطلعي توا

وتين: بنرقد

ادم: بترقدي مش تبي عرس سبعة ايام وسبعة ليالي خلاص اتحملي

وتين وقفت وهيا تخبط وتنق: به به وانتم ذليتوني بيها وصقرت اعليه

ادم قعد يضحك

طلعت وتين وابدت تاخد منه في الحاجات وادخل فيهم للكوجينة وهيا راقيتلها ومش قادرة توقف من التعب

طلعت للجنان لقت مافيه حد وكان ادم واقف وشاد باكو كبير

وتين: وين امشو

ادم: لحوش جدي

وتين: شني يديرو غادي

ادم: الولاد بيباتو غادي

وتين اخدت الباكو: والبنات وين امشو

ادم: خشو داخل

وتين: ووواك صدق الي قال العريس يتعرس والاخت تتهرس

ادم: ياحمارة المثل مش هكي

وتين: امالا كيف

ادم: منعرفش

وتين ضحكت: حمار انته

ادم ابتسم: وانتي حمارة

وتين: اممم خلي انخش باللهي انشوف الهم الي وراي

ادم: تحسسي فيا انه وراك راجل وصغار

وتين: صار عارف انه انتم الرجالة هم

ادم ضحك بثقة: كلهم هم الا اني

وتين: يامغرور

ادم ضحك: وتين انقولك حاجة

وتين: ارسل

ادم: ادوي به

وتين: تي قول

ادم: اني نشبح فيك كيف تاعبة وهكي نبي نغيرلك جوك شوي

وتين: وكيف بتغيره

ادم: بعد يومين هكي نرفعك الي استراحة تقعدي فيها بروحك هكي لحد يشبحك ولا تشبحي حد بروحك ترقدي لين تشبعي وتغيري جوك