رواية خوي👫

4

رواية خوي👫

الحلقة الرابعة

للكاتبة: لولو حبيب

_______________________

قصي وقف اعليهم هوا واميرة

قصي: السلام عليكم

كلهم: وعليكم السلام

قصي شبح الي ادم وابتسم: الحمدالله علي السلامة ياولد عمي

ادم شبحله علي جنب: الله ايسلمك

قصي: غير من دار فيك هكي

ادم: ولاد حرام ياولد عمي

اميرة : اكيد ترا شني درتلهم

ادم: علمتهم كيف الرجولية وربيتهم من جديد

كلهم ضحكو

قصي: الباين حتي هما ربوك

ادم: لا الحمدالله اني متربي من ربي لكن هما مزال تربية تانية بش يتادبو كويس

عبد الله قطع الحديث والعركة الغير مباشرة

عبدالله: شني ادير اهني انته

قصي امشي الي بوه وباسه علي راسه ويده: سامحني يابوي

عبد الله: كان سامحاتك اختك نسامحك

قصي شبح الي اميرة واميرة هزت راسها

قصي امشي الي وتين وباسها علي راسها

قصي: سامحيني

وتين شبحت الي ادم وحضنت خوها ادم تنهد وهوا فرحان

قصي ابتسم وكان في احساس داخله ايقوله اختك هيا الصح ..حس بالحنان في حضن اخته اكثر من الحنان في حضن اميرة حس بمشاعر اخته وصلاته حس بعتاب اخته ليه وصله من الحضن هادا

حضن اخته وهوا فرحان قريب يطير

////////////////

حطت وتين السفرة وكعمزت

ريان شاده تلفونها وتتضحك

ماريا شبحتلها وبعدين شبحت الي ياسمين ووتين وشبحو لبعض كلهم وقربو من ريان

ريان قامت راسها شبحتلهم صقرت التلفون وقعدت تشبحلهم

ريان: شنو

ماريا: اعلاش تتضحكي ومن لما شديتي التلفون وانتي مبتسمه

ريان: اعلاش الضحك حرام ولا عيب وبعدين فاتحة نت شبحت فيديو ضحكني ضحكت

ياسمين: ترا ورينه الفيديو

ريان قامت حاجبها: خيركم الزفت مدرتش حاجة غلط

ماريا: مدامك قلتي هكي معناها درتي

وتين: خلاص اخطوها يابنات شني دارت هيا ضحكت بس

اميرة جت: خيركم يابنات

وتين: لاشي

ياسمين: تعالي كعمزي هدرزي تعالي