رواية خوي👫

الحلقة الرابعة^ تاجر المخدارات^

رواية خوي👫 ^ تاجر المخدارات^

الحلقة الثالثة

للكاتبة: لولو حبيب

_______________________

سمعت صوت المفتاح كعمزت ومسحت دموعها وساوت وشاحها انفتح الباب وخش اصيل وصقر الباب بالمفتاح رانيا طول خافت وتكمشت في بعضها كعمز علي الصالون وقعد ساكت ويشبحلها رانيا خافت من نضراته وطبست راسها لوطة

اصيل:اسف علي امبكري

رانيا قامت عيونها فيه : شني

اصيل: اسف رقتلي لما شبحته كيف ايكلم فيك وانتي خايفة اعليه

رانيا: واعلاش ترقالك ياحنة اختك ولا مرتك واني منندريش

اصيل بعصبيه: حرام فيك جاي نتأسف منك وانتي تلقحي

رانيا: للاسف منقدرش نسكت لازم انلقح

اصيل ضرب الطاولة برجله رانيا تكمشت في بعضها: خلاص اسفة ها سكتت

اصيل ضحك: خوافة وتتصنعي في القوة

رانيا شبحتله: تبي اتجرب القوة كيف

اصيل وقف: وريني ترا

رانيا وقفت وضرباته علي رقبته بيدها اصيل حط يده علي رقبته وقعد يتألم

قعد شوي هكي بعدين شبحلها

اصيل: وين تعلمتيها الحركة هادي

رانيا ضحكت: في الحوش

اصيل: بروحك تعلمتيها

رانيا: اي

اصيل: اعلاش

رانيا: اخت تاجر حشيش كنت متوقعه كل شي ايصير فتعلمت فنون القتال

اصيل ابتسم: الضربة قوية ردي بالك تتضربيها للناس الي تعرفيهم

رانيا: عفوا واني نعرفك

اصيل ضحك: خلاص عاد مفروض نعرفو بعض توا من الصبح مع بعض

رانيا ضحكت: تمام اني رانيا نقرا ثالثة تانوي

اصيل: مش تعرفنا امبكري

رانيا: لا ماهو هادي صفحة جديدة

اصيل ضحك: اني اصيل نخدم تاجر حشيش

رانيا: تاجر

اصيل ضحك: اي

///////////

بعد يومين💢

اصيل اغلب وقته مع رانيا وميبيش حتي يطلع يبعت في محمود كان يبي حاجة ورانيا ابدت اتطيب ومرتاحة مع اصيل كانها مش مخطوفة

//

زياد قاعد عند محمود ويفكر كيف يساعد صاحبه ويهرب

//

محمد هوا الوحيد الي مخلى رهف صابرة وتقاوم بالسيف بش متنهارش وتستنا في خوها واختها علي احر من الجمر