رواية خوي👫

3

رواية خوي👫

الحلقة الثالثة

للكاتبة: لولو حبيب

_______________________

قامه ادم دفه بعيد وابدي يضرب فيه وولاد العيلة ايحزو فيهم

نسيم: ياهو انته وياه خيركم

وتين طايحة تبكي وامها شادتها والبنات معاها

عبدالله: ارخو بعض انته وياه

عبد الرحيم: ادم ارخي ولد عمك

ادم: يابوي كيف نرخيه كيف

عبد الرحيم بعياط: ارخي ولد عمك

ادم باعد وقصي واقف ويمسح في الدم من خشمه

عبد الرحيم: واحد منكم يفهمني الي صار

اسكندر: اني نفهمكم

عبد العظيم بعصبية: صقر فمك انته

اسكندر شبح الي بوه ورجع شبح الي عمه عبد الرحيم وتكلم

اسكندر: كتت واقف اني ووتين وبعدين جي قصي وهوا راقيتله وشدها من شعرها وقالها صار بتطلقيها مني وبعدين ابدي يضرب فيها والباقي تعرفوه صار قدامكم

عبدالله شبح الي ولده: اعلاش تضرب في اختك

قصي بعصبية: اسالها هيا

عبد الله شبح الي وتين: اعلاش ضربك

وتين : منعرفش

عبد الله بعياط: اعلاش ضربتها ياقصي

قصي: كلمت اميرة وقعدت اتسب فيها واتقولها قليلة ادب ومش متربية وتو اتشوفي لما نطلقك من خوي

عبد الله قرب من ولده: وانته مصدق الي قالته مرتك

قصي: مرتي ماتكذبش

عبدالله: جيبلي دليل علي الكلام هادا

قصي: دليل شني بنتك قالت هكي

عبد الله بعياط: اختك

قصي: اميرة متكذبش

عبدالله شبح الي وتين: انتي قلتي حاجة هكي

وتين: لا اني شرينت علي تلفون قصي ردت هيا قتلي قصي راقد صقرت في وجهها التلفون مقلتش حاجة هكي بكل

عبد الرحيم: توا مني الي يكذب مرتك ولا اختك ياقصي

قصي: اختي

ادم جي بيهجم اعليه شدوه جهاد واسكندر ونسيم واقف قدامه

ادم بعصبية: ياعيل تصدق في مراة امس بس جاتك وتكذب في اختك الي معاك من لما فتحت عيونك ياعيل تي والله ماك راجل هادي اختك الي تضرب فيها عالخاطر مرتك الكذابة قالت وتين هادي لفعة لكن مفيش حد صدقها فيق علي روحك شهرين مشبحتش امك وبوك كيف عطاك قلبك هكي كيف انته مش قصي الي نعرفوه قصي يستنى بالثانية امتي يشبح بوه وامه قصي يخاف علي اخته حتي من نسمه الهواء مش توا تتضرب فيها