رواية خوي👫

الحلقة الثالثة

رواية خوي👫

الحلقة الثالثة

للكاتبة: لولو حبيب

_______________________

اني: مرواااان

مروان: ها

اني: تعالى تعالى

مروان وقف في الباب واتكي اعليه ومربع ايديه وابتسم

اني اخديت الي في الدولاب : هادا شنو

مروان: شني تشبحي فيه يعني

اني: صندوق

مروان: هدية ياغبية

اني: الي مني

مروان: لصاحبتي وامشي

اني: تافه حطيتها علي السرير وكعمزت فتحتها لقيت فيها لبسة تهبل اني نشبح فيها في النت لكن دورت اعليها اهني ملقيتهاش فرحت هلبا ونضت نجري ونعيط

مروان مروان

ماما: خيرك ديما اتعيطي يافرخة

اني امشيت نجري حضنته وانبوس فيه: شكرا شكرا

بابا: هادي خيرها

مروان: جبتلها اللبسة الي تبيها

ماما: ربي يحفظكم لبعض❤

مروان: مش امين

اني ضربته تيرو: امين

بابا: خوك ياحيوانة

اني ابتسمت وكعمزت نفطر

امشي اليوم عادي في العشية مكعمزة نشرب في اني وماما جي مروان كعمز وقعد يشبح الي ماما ويشبحلي

ماما: هات ماعندك

مروان: مداما حوشي واتي وبخدمتي وخلاص عمري 26 نبي نتزوج

اني شرقت بالقهوة

ماما ابدت تضرب في علي ظهري ومروان مدلي الميه اني شربت الميه وقعدت نشبح لمروان دمعتي في عيني

جي اليوم الي اني خايفة منه مفروض نفرح لكن اني واصلة لمرحلة هوس في حبي لخوي مش حب عادي لا هوس وجنون

ماما: به في بنت في راسك

مروان: اي فاطمة صاحبة مروة

اني قعدت نشبحله ونضت خشيت لداري وابديت نبكي

خش مروان اني مسحت دموعي طول ونضت حضنته وقتله الف مبروك ابتسم مروان

مروان: زعلتي

اني: اعلاش

مروان: لانه بنتزوج

اني: بالعكس هادي حاجة تفرح

مروان: اه حقا العريس خيره مجاش

اني: قال اليوم بيجي

مروان: تمام