رواية خوي👫

2

رواية خوي👫

الحلقة التانية

للكاتبة: لولو حبيب

_______________________

قصي: منهيا الي لفعة

وتين وادم وقفو ولفو التالي

قصي: صار هي لفعة واني عيل

وتين: اي به تفكرت عندك ام وبو وجيتهم بش اتشوفهم

قصي: منبيش نمد يدي اعليك خشي وصقري فمك

وتين بعصبيه : متقوليش صقري فمك وشني نمد يدي عليك من تحساب روحك ياعيل

قصي شدها وابدي يضرب فيها وادم يجبد فيه وهيا مسكتتش اتلقح اعليه وتتضرب فيه وهوا يضرب فيها ويهزب

زاد الصوت وابدي عالي وطلعو العيلة كلهم

عبدالله بعياط : هييي انته وياها

قصي بعد ووتين ساوت وشاحها

عبدالله: شني الي صاير

وتين& قصي: هوا الموضوع

عبد الله: صقرو فمكم الزوز

سكتو

عبد الله: واحد بس يفهمني

ادم: عمي عادي نفهمك اني

عبدالله: كنت حاضر انته

ادم: اي قبل حتي مايجي قصي

عبد الله: به فهمني هي

ادم ابدي يحكيله وحكاله القصة كلها

عبد الله شبح الي وتين: شني اتقولي الي خوك عيل

وتين بعصبيه وبدموع:  يابابا اني مرت خوي هادي منبيهاش ومن قبل مايخطبها قتله راهي لفعة اني نعرفها كانت تقرا معاي ونعرف اعليها كل شي قتله تو تغيرك علينا راهي لفعة قالي لا اني نبيها قتله به خودها لكن تعالنا ومش تنسانا واسكن جنبنا هوا قال لا مانيش ساكن اهني لكن اني مايغريني شي اعليكم وكل يوم انجيكم وهوا شهرين مجاش انشرينوله يصقر اعلينا وميردش اني امس كلمته مردش اعليا بعتله رسالة قتله تعالى امي تبي اتشوفك استحشاتك امك تبيك تعالى شوفها وشبح الرسالة ومردش وبعد هادا كله تبيني انقول اعليه راجل فيه راجل يخلي امه شهرين ميشفوهاش وحوشه حذفة رشادة اسبوع الي فات امشيت اني وامي سيارته مدرسه قدام الحوش وصوته داخل هوا مرته وطقطقنا لين ايدينا وجعونا ومفتحش وتبيني انقول اعليه راجل تي هادا عيل واكبر عيل ريته في حياتي كلها وتوا يضرب فيا عالخاطر قلت علي مرته لفعة تي والله ماك راجل

عبدالله: وتين خشي داخل وانته الحقني في المربوعة نبيك

وتين خشت ركبت الي دارها وكعمزت تبكي وقصي خش هوا وعبدالله الي المربوعة والباقي كل واحد امشي في حاله

/////////////

فتحت ياسمين الباب: هي خش يابلوة عارف كان شبحوك ولما يتقلوكم الزوز