Unicode
ညနေ ဆေးရုံကအပြန်မှာတော့ byun baekhyun ဟာ မနက်က ပြောခဲ့သည့်အတိုင်း လာကြိုလေ၏။
ဘာကိုမှ ဂရုမစိုက်စွာ ကားကိုပါကင်မှာ မရပ်ပဲ ဆေးရုံဝမှာတင် ပိတ်ကာ ရပ်ချထားသည် ။
securityတွေက ဒင်းကို ဘယ်လိုမှ ရွှေ့ခိုင်းလို့မရလို့ဆိုပြီး လာတိုင်တာမို့ ဂျူတီကို တောင်းတောင်းပန်ပန် စောချိန်း၍ ကမန်းကတန်းထွက်လာရသည် ။လက်တစ်ဖက်ကအိတ်ကိုဆွဲလို့ နောက်တစ်ဖက်က ဂျူတီကုတ်ကိုကိုင်ကာ ဖရိုဖရဲထွက်လာပြီးနောက်
ကိုးလိုးကန့်လန့်ရပ်ထားသောကားနား ကသိုက်ကရိုက်လျှောက်သွားလိုက်ကာ မှန်ကို သာသာလေးနှစ်ချက်ခေါက်လိုက်သည် ။
သုံးနှစ်လောက်ပိုက်ဆံစုပြီးဝယ်ထားရသည့် ကိုယ်ပိုင်တဲ့ အဖိုးတန်လေးမို့ ဘယ်လောက်ပဲစိတ်ဆိုးနေပါစေ
အကြမ်းပတမ်းမလုပ်ရက်။သို့သော် ဖြည်းညင်းစွာကျလာသည့်မှန်ကြောင့် အထဲက ပုံစံကိုမြင်ပြီးတဲ့အခါမှာတော့ ပါးစပ်အဟောင်းသား ဖြစ်သွားရတော့သည် ။
Byun Baekhyun ဟာ သူဖုန်တစ်စက်တောင်အတင်မခံခဲ့သည့် သူ့ကားလေးပေါ် ခြေထောက်ကိုဆန့်တန်းလို့ စီယာတိုင်ပေါ် ပစ်တင်ထားပြီး ခုံကိုနောက်လှန်ကာ နဖူးပေါ်လက်တင်လို့ ဆန့်ဆန့်ကြီး အိပ်နေလေ၏။
အင်္ကျီကိုလည်း ကြယ်သီး တစ်ဝက်လောက်ဖြုတ်ထားသည့်အပြင် ဘောင်းဘီကိုဒူးထိခေါက်တင်ထားကာ ဗရုတ်သုတ်ခပုံနှင့် ။
ဘေးလူမြင်ရင်တောင် နှာခေါင်းရှုံ့ကာ ကဲ့ရဲ့ ခံရမည်မို့ ဒေါသကငယ်ထိပ်တက်ဆောင့်ရပြန်ကာ
လော့ဖွင့်ပေးလိုက်သော တံခါးကို ဆွဲဆောင့်ကာ ဖွင့်လိုက်တော့သည် ။" baekhyun မင်း တကယ်ပဲ တရားလွန် အု "
ကားတံခါးပွင့်သွားသည်နှင့် ဆွဲချမည်ဟုကြံမိလိုက်ပေမယ့် တကယ်တမ်းဆွဲခံရတာဟာ သူ့လည်ပင်းက ကော်လံစသာဖြစ်နေပြီး ထိုသကောင့်သားပေါ်သို့ လုံးလုံးလျားလျားကြီး အုပ်မိုးကာပစ်ကျသွားတော့သည် ။
ထို့အပြင် byun baekhyunဟာ မျက်လုံးမှိတ်ထားလျက်ဖြင့်ပင် သူ့နှုတ်ခမ်းတွေကို ကလေးတွေနို့စို့သလို တပြွတ်ပြွတ် စုပ်နေ၏။
ပွင့်ဟနေသော ထိုခွေးကောင်၏ရင်အုပ်ဖြူဖွေးဖွေးသည်ကား နိမ့်ချည်မြင့်ချည် ဖြစ်နေပြီး သူ့ ရင်အုပ်ကျယ်ကြီးကိုလာရောက်ထိခတ်နေသေးသည် ။
ရုတ်တရက်ဆန်သော အခြေအနေအား တားဆီးချိန်မရလိုက်သည်ကြောင့် သတိကပ်လေသောအချိန်မှသာ ခေါင်းကိုဆင်နင်းခံလိုက်ရသကဲ့သို့ ပူထူကျိန်းစပ်လာပြီး ထိုသကောင့်သားထံမှ ရုန်းထွက်လိုက်ကာ ကော်လာကဆောင့်ဆွဲလို့ ကားပြင်ကိုအကြမ်းပတမ်းခေါ်ထုတ်လိုက်သည် ။
YOU ARE READING
To~~~~~Mg 《Completed》
Fanfiction၁၇ ယောက်မြောက် crushကိုမတွေ့ခင် မောင် ကျွန်တော့်ကို ချစ်သွားရင်ကောင်းမယ် ! Fic cover by Windi_622