Unicode
မနက်ခင်းလေနုအေးဟာ ဖွင့်ဟထားမိသောပြတင်းပေါက်ကနေ တိုးလို့ဝင်ရောက်လာခဲ့ပြီး စိမ့်နေသော အအေးဓါတ်ကြောင့် ပြတင်းပေါက်ဘက်ကျောပေးကာ အိပ်နေသော baekhyun အားနှိုးလိုက်သလိုဖြစ်သွား၏ ။
နဂိုကတည်းက အအိပ်ဆက်သည့်သူမို့ကျောတစ်လျှောက် လုံး အေးစိမ့်သွားမှုကြောင့် မျက်လုံးတွေဟာ အလိုအလျောက် ပွင့်ဟ လာသည် ။
ပြတင်းပေါက်ပိတ်ရန်မေ့သွားခဲ့သည့်မိမိကိုယ်ကိုသာအပြစ်တင်ရင်း လက်နှစ်ဖက်ကိုအပေါ်မြှောက်လို့ အကြောဆန့်ကာ ထထိုင်လိုက်သည် ။
မှေးကျဥ်းနေသော မျက်ဝန်းတို့ကား ယခုထိတိုင် ဝေဝေဝါးဝါး ၊
ပျင်းရိလေးတွဲစွာဖြင့် ပါးစပ်ကိုဟလို့ အားရပါးရသန်းဝေလိုက်ပြီး တစ်ဖက်ဘေးသို့ ငဲ့ကြည့်လိုက်သည် ။
အအိပ်မက်သည့်မောင်က ခုထိအိပ်မောကျနေတုန်းပင် ၊
မေးစေ့တစ်ဝိုက် စီးကျနေသည့် သရေစီးကြောင်းအား လက်မသုံး၍ သုတ်ပေးလိုက်ပြီး မောင့်နဖူးပေါ်သို့ပွတ်ဆွဲလိုက်ကာ နှာခေါင်းကိုခပ်ကြမ်းကြမ်းဆွဲညှစ်လိုက်သည် ။
" မိုးလင်းနေပြီ ထတော့ မောင် ! "
ခပ်ဆတ်ဆတ်သူ့အသံကြောင့် မျက်နှာတစ်ခုလုံးတွန့်ရှုံ့ကာ ကျောပေးသွားသည့်မောင့်အား အားသုံးကာ ပြန်ဆွဲလှည့်လိုက်ရင်း
" ကောင်းကောင်းနှိုးနေတုန်းထမလား မထဘူးလား "
" မထဘူးကွာ မထဘူး ! "
လက်မောင်းတစ်ဖက်ကိုအတင်းဆွဲထူလို့ နှိုးပေမယ့် မောင်က မထ ၊
ပေစောင်းစောင်းနှင့်မျက်လုံးတစ်ချက်ဖွင့်ကြည့်ပြီး လျှောကျနေသည့်စောင်အား ရင်ဘတ်ထိဆွဲခြုံကာ ပြန်အိပ်သွားသည် ။
" ကျွန်တော် ဗိုက်ဆာနေပြီ ! "
" အီးစား ! "
မျက်လုံးမဖွင့်ပဲ ကန့်လန့်တိုက်စွာ ဖြေလာသည့်စကားကြောင့် အံကြိတ်လိုက်မိသည် ။
မနေ့က ကိစ္စနှင့် မောင် သူ့ကိုစိတ်ဆိုးနေသည်မှာ ယခုထိ ၊
ညကလည်း ညစာချက်မကျွေး ၊ အပြင်ထွက်သွားပြီး ၁၂ တီးမှပြန်လာသည် ၊ သူ့မှာတော့ တစ်ညလုံးရေသောက်ဗိုက်မှောက်ပြီး အိပ်ခဲ့ရသည် ။
ယခုလည်း မနက်စာ ချက်ကျွေးမဲ့ပုံမပေါ် ၊
သူ့အမျိုးသားလောင်းကြီးကကြီးတောင်ကြီးမားနဲ့ စိတ်ကတအားကောက်တတ်တာပဲ ။
YOU ARE READING
To~~~~~Mg 《Completed》
Fanfiction၁၇ ယောက်မြောက် crushကိုမတွေ့ခင် မောင် ကျွန်တော့်ကို ချစ်သွားရင်ကောင်းမယ် ! Fic cover by Windi_622
