The Substitute Wife (Saldivar Sister) ON-GOING

Kabanata 6

Welcome Back

After two weeks.....

Napahiga ako sa kama pagkarating na pagkarating ko sa condo ko. Hindi ko na muna tinawagan si Selene dahil paniguradong magpipilit na yun na magpalit kami. I'm still exhausted. Damn exhausted. The last two week was h*ll. Hindi ako pinatulog ng mga projects na ibinigay sa akin. So now, susulitin ko na muna 'to.

Pinikit ko na ang mata ko sa pag-aakalang makakamit ko na ang pagtulog na ninanais ko nitong mga nakaraang linggo pa. Pero mukhang ayaw talaga ng mundo na magpahinga ako. F*ck!

"Yes, sino 'to?" tamad kong sagot sa tawag. Hindi ko na tinignan ang nakaregister na number. May bunganga naman siguro kausap ko, okay na yun.

"Hindi ka ba tumitingin sa cellphone mo bago sumagot sa tawag?" naiinis nitong tanong sa akin.

Ah. It's Aya. "I'm tired. Please just let me sleep for a while." inaantok kong sagot dito. Pagod ako at gusto ko lang matulog.

"Alright then. I'll call you back later. Keep your lines open, okay." bago niya binaba ang tawag. Napangiti ako dito, she really know me.

Finally makakatulog na din ako. Kusa ng pumikit ang mga mata ko dahil sa antok. Nagising na lang ako ng nagring ang cellphone ko. Tinignan ko kung sino ang tumawag, it's Selene. U*h!

"Hey sis." tamad na sagot ko dito.

"Hi, nandito ka na ba?" natutuwang tanong nito pagkasagot ko sa tawag.

"Yeah."

"Finally. Akala ko magtatagal ka na sa States eh." natutuwa nitong sabi.

Hindi kami nakapag-usap sa loob ng dalawang linggong pagkawala ko. I told her not to call me, dahil alam kong magiging busy ako. Ngayon na lang ulit kami nakapag-usap after two weeks.

"Hindi. Tinapos ko lang agad." sagot ko dito. Tinignan ko ang orasan sa pader, mabuti naman at nakatulog ako ng limang oras. After two weeks parang ito lang ang tulog kong nakapagpahinga ako ng maayos.

"Ah, pupunta na ba ako dyan ngayon?" nahihiya nitong tanong sa akin. Tss.

Huminga muna ako ng malalim bago sumagot. Wala na talaga yata akong choice. "Okay." pagpayag ko dito.

"Yess! Thank you. I'll get ready na. Can't wait to see you." tuwang tuwa nitong wika mula sa kabilang linya.

Napabuntong hininga ako pagkababa ng tawag. I should also get ready. Mukhang hindi na makapaghintay ang kambal ko.

Pagkadating ni Selene ay niyakap agad ako nito.

"I missed you so much Sari! Nakakabagot ang bahay na yun." pagkwento nito sa akin. Tumango lang ako, patuloy na nakikinig sa kwento nito.

"Nakakainis talaga siya. Dinala nya yung girlfriend nya don, hindi ba siya nahihiya sa akin?" maktol na kwento nito. "Ni wala siyang pakialam kahit nasa harap nya ako. Nakakainis talaga."

"Sinaktan ka ba nya physically?" tanong ko dito pagkatapos nitong magsalita.

"Ah. Hindi naman." nakangiti nitong sagot.

"Good then." nakahingang sagot ko. Alam ko naman na di siya sasaktan ni Cain physically, pero gusto ko paring makasigurado. "Ah..D-did he tried to kiss you?" halos mautal ako sa tanong ko. Ant*nga mo Serene, dapat di mo na tinanong yun.

Kumunot ang noo nito bago sumagot. "Ha? Bakit naman nya ako hahalikan?" naguguluhan nitong sagot sa akin.

Umiling na lang ako at iniba ang usapan namin. Natigil ang kwentuhan naming dalawa ng biglang tumunog ang cellphone nya.