دعوات الشموع/ فاطمة رشيد /💛

مظفري❤️

سهرنالك دهر ما جيت ..

و رزه و باب و شبابيج خضرن من مدامعنه..

وكون الدهر بس وياك ..

بلايانه الاوادم كلها والجنه ..

وزه اتوازينه موش اتراب..

بـﭼـانه القفل بالباب..

لگينه السلف متغيــر..

مثل ديرة غرب ..خلف الله ﭼـنه احباب..

ردينه اتعارك وي بواﭼـينه..

وانه اشبيبيـﭼـي يحاﭼـيني ..

عساها بالگصب يفلان ..

حوبتنه و مدامعنه و تراﭼينه

عساها اتخضر التينه ..

ونمد ابفيهه السواليف ..

راحة بال و خبزه و استكين ﭼـاي يكفينه ..

وعلى اركبك مثل ما ﭼـنه واحنه ازغار ..

ننسه ارواحنه ونغفه ..لهذاك الصوب

ياخذنه التعب لله ويرد بينه ..