وصلو البنات للحوش ❤
محمد: كلم احلام بعد نزلت انعام كلميني نبيك
احلام: اعلاش
محمد: ضروري بالله عليك
احلام: ان شاء الله ونزلت
محمد:🥺اوووف بنراضيها قطعتني قلبي
_____________
الساعه 9 الليل
محمد: هاذا يلي صار ي يوي
عادل: معقوله ابراهيم هوا سبب كل يلي احني فيه
محمد: انا مش متاكد لاكن 90% هوا توا نعرفو مع الوقت
عادل:كيف ابتعرف في شني مفكر
محمد: بنطلع نشوف علي انديرو راي مع بعض
عادل: ردو بالكم ع روحكم
محمد: ان شاء الله
__________
علي: انا مش مصدق انه يطلع هوا بس المرا يلي شفتها انت من تكون في حد معاه يلي يلي ظربوك 2
محمد:ايه هاذا يلي امدوخني
علي: مره شفت خيال ف الليل لما طلعت ملقيتش حد لاكن كان في اسواره طايحه
محمد: امتاع مني
علي: منعرفش لاكن اليوم لما مشينا ل حوش ابراهيم كان في وحده واقفه ف الباب تسمع وجعها مش باين كانت لابسه نفسها
محمد:😨معقوله حتي عيلته معاه
علي: اوووف معاش فهمت شي انا
محمد: اسمع انا بنقوله انا بنقوله ان بنبيعو الارض ل تاجر ب سعرها يلي تستاهله بما ان مفيش مشاكل فتره هاذي انكملو إجراءات ع سريع
علي: لو مدارش شي
محمد: لا حيدير اكيد
علي :من هوا التاجر
محمد: هاذي ساهله انشوف حد من معارفي
علي: به تمام
محمد: خلي هكي يومين و انردو عليه باش ميحسش ع شي
علي: ايه احسن ان شاء الله خير لان يلي شفناه فيه سحر و فيه حاجات مش عاديه لازم انردو بالنا
محمد: ايه عارف والله خايف ع العيله اكتر من روحي
علي: شن رايك فتره هاذي نبعدوهم مم المزرعه
محمد: كيف مرات ايشك فينا
علي: اوف ع الاقل يوم يلي بتقوله انك بتبيعها ل حد لان مش معروف شني ايدير
محمد: تمام توا نشوف مكان
علي: تمام
__________ روايات فيتوريه كاتبه هديل محمد
ساعه 11
محمد: يتصل ب احلام متردش و اخيراا
احلام: ايوا
محمد: وينك كم بكري
احلام: في شي ضروري
محمد: هوا لا مش ضروي لاكن
احلام: تمام انا تعبانه تصبح علي خير طووط طووط 🤣 سكرت ف وجهه
محمد:🤦♀️💔الصبر
مش قتلكم ماذا لو عاد معتذرا
هاذا كان رد احلام هههههههه
___________ روايات فيتوريه كاتبه هديل محمد
علي: امته بيطلع الصبح
انعام: اعلاش ههههه
علي: استاحشتك 🥰
انعام:😊 هلباا
علي: ااااااه هلبااا هلبااا
انعام: ان شاء الله ربي يسخر نبدا معاك في حوش و صيدليه نين تقلق مني 🤣
علي: لا صيدليه شني بعد زواج نبيك ف حوشك بس ترتاحي
انعام:😨كيف لا انا نبي انكمل خدمتي
علي: كيف حوش و مسؤوليه صعبه عليك
انعام: لا مش صعبه بعدين انا قاريه نبي نخدم
علي: بعدين ساهل سكريه موضوع الخدمه توا
انعام:به تمام بنرقد انا تصبح علي خير
علي: خودي راحتك وانتي من اهل الخير
انعام سكرت كانت مضايقه هلبااا من موضوع الخدمه عمرها ما تخيلت انها تتزوج شخص يمنعها من انها تحقق حلمها خصوصاشخص تحبه🥺💔
_______________
الساعه10 صبح
علي: صبااح الخير 🥰❤
انعام: صباح الخير 😶
علي:🙄كيف حالك
انعام: الحمد لله 😶
علي:خيرك صاير حاجه 🤨
انعام: لالا فيه خدمه هلبا بنتمها بس
علي: تمام خودي راحتك بنمشي نشوف المختبر
انعام: هزت راسها بدون ولا كلمه 🤷♀️
______________
محمد: موده صباح الخير
موده : صباح الخير
محمد : احلام وين مجتش
موده: لا اتصلت بيها قتلي تعبانه مش جايه اليوم
محمد: به شكرا
