ဧဒင်တစ်ယောက် စာကျက်ရတာနှင့် ground showအတွက် ကြီးကြပ်နေရသည်များနှင့်အလုပ်ရှုပ်နေသောကြောင့် အသံစစ်တဲ့နေ့ပြီးထဲက ခေတ်ဦးမောင်နှင့်ပင်စကားသိပ်မပြောဖြစ်ပေ ။
ပျော်ပွဲရွှင်ပွဲပြီးရင် စာမေးပွဲလာတော့မည်ဖြစ်သောကြောင့် ၂ခုစလုံးအား မလစ်လပ်ရန် ဧဒင်ကြိုးပမ်းနေရသည် ။
"ခေတ် ဒီနေ့လာကြည့်မှာမလား....''
ဧဒင်ပြောတော့ ခေတ်ဦးမောင်ကphကြည့်နေရင်းမှ ပြန်ဖြေလေသည်..။
"အင်း...လာမှာလေ....ဒါပေမယ့် နည်းနည်းနောက်ကျမှာ ငါ မေဦးကို သွားခေါ်ရဦးမယ် ပြီးမှလာခဲ့မယ်...''
"သြော်.....''
ဧဒင် 'သြော်'လို့ပြောပြီး ဘာမှဆက်မပြောတော့...။
တစ်ခါတလေ ခေတ်ဦးမောင်ကို ဧဒင် နားမလည်ပေ ။
မိမိနှင့်အဆင်ပြေတော့မည်ဟုထင်ခဲ့သော်လည်း မေဦးမိုးနှင့်အဆက်အသွယ်ရှိနေသေးသည့်ခေတ်ဦးမောင်ကို ဧဒင်တကယ်နားမလည်နိုင်တော့ပေ ။
ယောင်္ကျားလေးလည်းသဝန်တိုခွင့်ရှိသည်ပဲ ။
သို့သော် မိန်းကလေးတစ်ယောက်နှင့်ပြိုင်လုနေရသည့် မိမိအဖြစ်အား ဧဒင် ကိုယ့်ကိုယ်ကိုယ် စိတ်ပျက်မိသည်မှာ အမှန်ပင် ။
ဧဒင့်ဘက်က အသံအတော်ကြာတိတ်သွားတော့မှ ခေတ်ဦးမောင်ကမော့ကြည့်ကာစကားပြန်စသည်..။
"မင်းရော သီချင်းဆိုမှာလား....''
"အင်း...ဆိုဖြစ်မယ်ထင်တယ် ဒါပေမယ့် တခြားသူတွေက အချိန်အရမ်းကြာသွားရင်တော့ မဆိုဖြစ်လောက်တော့ဘူး.....''
"အင်း...ဒါဆို ငါလာအားပေးမယ်....''
"Ok ok...ဒါဆို ကိုယ်အရင်သွားနှင့်မယ်နော်....''
ခေတ်ဦးမောင်အားပြောကာ အပြင်ထွက်မည်အပြုမှ ဧဒင်က တခုခုသတိရဟန်ဖြင့်
"အမောင်...အခုတလောကိုယ်မအားတာနဲ့ မင်းကို မေးဖို့မေ့နေတာ...အသံစစ်တဲ့နေ့က ဘာလို့အရင်ပြန်သွားတာလဲ ကိုယ်phခေါ်နေတာလဲမကိုင်ဘူး...''
ဧဒင်မေးလာတော့ ခေတ်ဦးမောင်ဘာပြန်ပြောရမှန်းမသိ ။
မင်းကြောင့်ပြန်သွားတယ်လို့ပြောရမလား ၊ ငါ့စိတ်ငါဝေခွဲမရလို့ပြန်သွားတယ်ပြောရမလား ၊ ဘယ်လိုပြောရမှန်းမသိဘဲ ခေတ်ဦးမောင် အကြံအိုက်နေသည် ။
YOU ARE READING
Home In The Adin Garden(ဧဒင်ဥယျာဥ်ထဲကအိမ်ကလေး)Completed
Romanceအိမ်ဆိုတာ နွေးထွေးလုံခြုံမှုပေးတဲ့နေရာတခုတဲ့..... ✨ What if home is a person...... Start date - 17 August 2021 End date -8 September 2021
