≪Unicode≫
"စစ်မှူး"
"နင်..ပိန်သွားသလိုပဲ"
"အဟင်း..မယုဝါကတော့လုပ်ပြီ"
"ကျွန်တော် တစ်ရက်ပဲ အလုပ်နားလိုက်တာကို...."
"တစ်ရက်ဆိုလဲ တစ်ရက်အလျှောက်လေ..."
"ဝမ်းနည်းစရာဆို...မျက်လုံးကဖုံးမရဘူး"
"အစ်မကို အမြဲတိုင်ပင်လို့ရတယ်နော်..စစ်မှူး"
"ဟုတ်ကဲ့...ကျေးဇူးပါမယုဝါ"
"ကျွန်တော် တကယ် အဆင်ပြေပါတယ်"
"စစ်မှူး"
မယုဝါနဲ့စကားပြောနေတုန်း သူဌေးကအနားရောက်လာသည်။
"ကိုယ်နဲ့ လိုက်ခဲ့"
ဆိုင်အပြင်ဘက်ထိ ဆွဲခေါ်လာပြီးမှ ထောင့်နေရာရောက်တော့ ရပ်လိုက်သည်။ဆွဲထားတဲ့လက်ကိုမဖြုတ်သေးပဲ ကျောပေးထားတဲ့ သူ့ဘက်လှည့်ကြည့်လာသည်။
"မနေ့က...ဘာလို့မလာတာလဲ"
"မယုဝါမပြောဘူးလား...ခေါင်းကိုက်လို့ဆိုတာ"
"အရင်ရက်ကလဲ မျက်နှာမကောင်းဘူး!
မနေ့ကလဲ အလုပ်မလာဘူး"
"ကိုယ်ဘယ်လောက် စိတ်ပူသွားလဲ သိလား"
"ကျွန်တော် ခင်ဗျားကို စိတ်ပူစေမိသလား..."
တကယ်ကို စိတ်ပူနေသည့် အမူအရာမျိုး မျက်နှာမှာ မြင်ရတော့ သူအားနာသွားရသည်။
"ကျွန်တော် တောင်းပန်ပါတယ်..."
"မင်း ဘာဖြစ်နေတယ်၊ဘယ်လိုစိတ်ညစ်စရာတွေရှိနေလဲဆိုတာ...ကိုယ်သိချင်တယ်"
"ကိုယ်သိလို့ မရဘူးလား..."
"ဟင့်အင်း..ကျွန်တော် ခင်ဗျားကိုမပြောပြချင်ဘူး"
ယောက်ျားတစ်ယောက်ဆီမှာ အနိုင်ကျင့်ခံရတဲ့ အကြောင်း...ခင်ဗျားကို ဘယ်လိုစိတ်မျိုးနဲ့ ပြောပြရမှာလဲ။ခင်ဗျား အထင်သေးသွားရင်ရော..။
"အင်း..ကိုယ်အတင်းမမေးတော့ဘူး"
"မငိုနဲ့တော့..."
အခုနောက်ပိုင်း သူအလွယ်တကူ ဝမ်းနည်းတတ်လာသည်။ဝမ်းနည်းရင်လဲ အလိုလိုမျက်ရည်ကကျတတ်သေးသည်။
YOU ARE READING
လေပြေတွေအရိုင်းဆန်တဲ့ခဏ
Romanceတည်ငြိမ်နေတဲ့ နှလုံးသားလေးဆီ... လေပြေတစ်ချို့ဟာ ဖြတ်တိုက်သွားခဲ့တယ် အဲ့လေပြေဟာ အေးမြခြင်းနဲ့ ပူလောင်ခြင်းကို တစ်ချိန်ထဲ သယ်ဆောင်လာခဲ့တာမို့... လေပြေရိုင်း....လို့ အမည်တွင်စေခဲ့တယ် Both Unicode & Zawgyi
