بطبعي ابد مااحب الاذية
ولااحب اعامل الشخص بالمثل
ولو احد يأذيني ادعي عليه والله ياخذ حقي
بس مرة من المرات عمتي صار عدها امساك يموووت
وبطبعها متحب تروح لدكاترة فاجابولها دوا هندي من العطار
شو عمتي شربت نص حبة وبعد متلحك
اخر شي خلت كرسي يم باب ال wc
هي متعرف تاخذ حب
دواها كوله يمي اني انطيها .. والحمدلله طابت
بس لفت انتباهي الحب شكد مفعوله قوي نص حبة ذبت العافية
راحت ايام واجت ايام العلاج يمي
بيومها الازرق المقدوني قررت تسوي حلويات شكرلمة
لان خواتها يجن زيارة عدنا وخالاتها
اني بيومها الشيطان ضرب عكس وتمدد براسي
اجا ابالي حبات عمتي طحنت ٤ حبات من مال عمتي
حبات العافية 😐خليتهن بورقة ودكيتهن بالبسطال مال صراع صارن طحين
ونزلت فتت للمطبخ ذبيتهن بالعجانة الكهربائية هي وتفتر
ورحت كعدت ولا كأنما مسوية شي
وصارت الشكرلمة منظرها يجنن وريحتها ولااااااروع
واجن الحبايب ووكعن دك بالشكرلمة
وكتها حتى اني شتهيت بس مااكلت 😐
الله وكيلكم ساعة وحدة وطشارهن صار مالا والي
انوب عمي اكل صحن كامل ويصيح عاشت ايدج بنت اخويا
تالي كام يمشي صفح من الاسهال
شلون الطفل المحصور ويترنح يمين يسار
اني وكتها ما اكذب عليكم الخوف اخذ نص حيلي
بس بقيت صامدة وتالي كتلهم هذا البيض فاسد
اتوقع وكتها الشيطان ضرب صفنة
ثاني يوم وكشفني المصروع من اثر الحب المطحون بالغرفة
بس تستر عالجريمة وسكت مقابل ضرائب فادحة
ومن يومها عمتي ادكول الها لتسوين منريد بعد
