الثقافة العراقية
بالنسبة لدراما
بالنسبة للبرامج
اصبحت تعتمد باختياراتها على عدد المشاهدات
والترندات وابتعدو كل البعد عن المحتوى
توجه ربحي اكثر من توجه لنشر الرسالة والثقافة
مسلسلات عراقية بين الامس واليوم
ذئاب الليل او مناوي باشا او عالم الست وهيبة هالمسلسلات تحمل كم من الرسائل
وكذلك طرق لمعالجتها مو مثل مسلسل فايروس
وين الرسالة وين المحتوى وين الموضوع
وين هامات الممثلين وين نقابة الفنانين وين الرقابة؟
مقتطفات من المسلسل عبارة عن عياط فشار غلط لاتعكس الواقع العراقي ولاتمده باي صلة عود العالم كلها دتشوف واتابع
بالنسبة للبرامج
خلصو المطربين؟؟
هيثم يوسف علي صابر حبيب علي حسام الرسام اصيل الهميم
راحو جابو رحمة الي هي اصلن قبل كم سنة كانت طالبة بستار اكاديمي واخفقت وفديوهات الها داخل الاكاديمية غير مشرفة فشلتنا ويا الطالب الاردنب
لو سيف نبيل معشوق المراهقات لاصوت لا احساس
نجي عالشعراء بين الامس واليوم
رنين تبوني كوليلي هم باسج ياصديقة
نزار الفارس الخاطر الله اذا الله عنده يمك خاطر
شهد الشمري طلكني طلكني
وين كريم العراقي المتنبي نازك
نجي عالقصص العراقية
الي لازم يكون بيها اركان وشروط حتى تكتمل وتنقل الرسالة والاحساس بأبهى صورة
علي الوردي من اروع الاقلام
محمد خضير ينقل الصورة بكل حذافيرها
كتاب عراقيين نتشرف بيهم ورفعة راس
مو مصمصني جكجكني مشمشني كشمشني سحلني كتلني وضرب راسي بالحايط واغتصبني وجابلي علاكة حلويات واحبووووو
والله العظيم اكو وحدة ساذجة سئلوها شوكت تشحنين الافكار براسج ؟؟
كالت من اوكف اغسل مواعين
كالولها شوكت اكتشفتي روحج تخرطين
كالت من حسيت بالوحدة
اغلب الخارطات عالفيس يسئلونهم المتابعين
اليوم اكو بارت فدوووة عليج العباس ابو فاضل نريد بارت تتفستق
لا علم لافهم لاشهادة لا حظور لا كريزما مجرد راس اذا تفتحه يطلع بي سرير وسيت نوم وواحد معضل وشاد رتبة
بوكم لبو العلمكم على هالدرب
