اكو ناس ترفع من قيمة اشخاص بوصفهم
استاذ .. دكتور .. استاذة .. ست فلان
وهالاشخاص بالواقع لا قيمة ولا منطق ولا اي نفع للمجتمع ولا ماخذيين شهادة دكتورا ولا ماجستير
بس همبلة عالفارغ
هو هذا مايسمى بطيحان الحظ🥴🥴🥴
اكو وحدة ويانا بالمنظمة مرة جبيرة عمرها فوك ال٦٠ سنة خطية تقدملنا جاي وهالامور اني اصيحها خالة او حجية هي تصيحني ست
كتلها اسمي مريم مو ست حالي حال بناتج
بكد امي ومرات اساعدها مع العلم شغلي بحث ودورات ميدانية
ارفض كلمة ست او استاذة لان اعرف قيمة نفسي
وهالوصف غيري احق منه
بس يا ويل الجاهل من يشوف الناس تتملقله يكوم يرافس
ترى حلو جبر الخاطر بكلمة حلوة بس ماله داعي التملق وال لكلكة
