قبل سنة جنت ادرس ولد علوم وتعبت ويا ومن راح امتحن سئلته المعلمة الحصان شلون يتكاثر مجاوبها بالفسائل ... كتلته بخاشوكة الخشب ومابرد كلبي
المهم
من طلعت للانبار اجت امه بوستني وكالت راح تكطعين بيا اني مااعرف اقرا واكتب والاب كادح بالشغل
كتلها كولي يالله
من رجعت للموصل ادرس هي كيفت اليوم جابت الي ابنها الصغير بالاول ابتدائي عنده رياضيات
يخبل خبال هيج صغير كلش عبالك عالبطارية كلش حبيته ومبين ذكي
كتله يله حبيبي شحافظ من الارقام كال كلهن
كتله كفووو عدهن كعد يعد
١ ٢ ٥ ٦ ٧ ٩ كتله عاشت ايدك بلعت نصهن مو مشكلة
كتله حبيبي ياهو الاكبر ١ لو ٢ ميعرف
حطيت اشارة الاكبر كتله الرقم الجبير تاكله السمجة
كال اي
حطيتله رقمين السمجة المن تاكل وتخلي حلكها كال تاكل اخوي لان يضربني
كتله ول ابني ركز رحمة لدينك
كلت اكوم اجيبله عصير برتقال بلكت ينفتح دماغه
صبيت العصير وكعدت
ووسيم شبعنا نعل من غيرته وذب العصير عالزولية ويشخبط بالقلم والطفل شبعه كفخ يتحارش بي الا يضربه
الا خالتي سحبته
المهم
خلصت وضبطتله المادة
اخر شي كتله ١ + ١
كال واحدين
كتله هاك ربع وروح على امك سلملي عليها وبعد ابد لتجي هنانا
ابوكم لبو التعليم
______
وسيم من انومه جنت اسولفله قصص عن النملة والنحلة والبزونة بعدين ضاج حسيته كرهني من كد مااعيد بيهم اخر شي قررت وكت مينام اغنيله
(ياطيبة ياطيبة ) وهالصيصان
شو هذا تعدل وكف وكام يصفك
كتله حبيبي مو هيج انت فهمت الموضوع غلط تعال نام يصرخ ميقبل
وصلنا لحالة هو يمسدلي واني انام وهو ينزل ينخبش بجكامج مالت الميز يومية هيج فيلم
وعلى هالدكة اطحينج ناعم
#تعديل
هوايا رادو يشوفو والله مو خوف وحسد وهالامور بس صدقا بالله ابو ميقبل
بس شوفو هالصورة الشبه بينهم يمكن ٩٠ %
دزها الي زوجي كال دحكي فز كلبي عبالي ناشرة صورته من كد الشبه
#تعديل
مستحيل انشر صورته
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
