فد يوم من الايام ابو وسيم كال اني رايح لبغداد قبل المغرب ارجع
وصار المغرب وما بين اتصل مغلق ظل بالي
نزلت عمتي كالت زلمتج ميجي اليوم يبات يم خاله اني كبل انسحبت ومتعشيت
طلعت طنكرت كلت الله كرريم
فتت شوية ونمت
كعدت نص الليل جوعانة كلت انزل اسويلي شي اكله
نزلت عالدرايج والمح خيال شخص
تعوذت الشيطان افوت للمطبخ واشوف واحد واكف عالمغسلة يتوضا مدري يغسل لابس دشداشة بيضة طووويل عنده لحية
اني جمدت .
وكمت اعيط صوت على صوت احرب وادك على راسي واصيح حيكتلللني حررررامي لحكوووني
الامة انكلبت عمتي وعمي وحمايا وابو وسيم 😲
والشخص الغريب طب للاستقبال
كالو شكو كتلهم حررامي حقير
طبو للاستقبال وجان الحرامي ديصلي
🙄طلع مو حرامي طلع ابن خاله لابو وسيم
ويا فشلتاااه
شربوني مي وشكر وعمتي قرت على راسي وقدروني واحترموني لان جنت خايفة وبعدها رزلوني 🙂
عمتي كالت هذا سيد ابن اخوي 😒
مو فد مرة كيوت ونازكة
بس شخص غريب ونص الليل انرعبت
