بنت خالتي عدها بنية صغيرة وولد
كلما تجي يمنا وسيم يعضها يخليها تغص هي والولد
شلون اتركه هالسالفة؟؟؟
صاير مجلوب حتى خالتي مشبعها عض
ومتعلم كلمة (دحبة)
حتى الخاشوكة النستلة يسميها دحبة
اتعلم هالكلمة من خالتي اتشاقت ويا مرة ولكفها للكلمة 😔
وخالتي ادكول دليمي بعد مينعتب عليه😭
_________
بيوم رحت اتسوك ملابس من السرجخانة وضيعت امي وخالتي بنص الازدحام جنت طالبة اعدادية
وماعندي موبايل بس ماما عدها شحاطة وظليت ساعة افتر ااخر شي استسلمت وكعدت ع الرصيف بسطت ابجي😂
والناس التمت عليا صارت عندي هستيريا كمت الطم😂😂
وكان اكو مفرزة قريبة مال شرطة شافو الناس ملتمة عليا اجا واحد شرطي اشترالي ماي ولفة
وحاول يهديني كال وين اهلج
كتله بالسوك ضاعو 😂😂😂هو اني الي ضعت مو هما
كال عدهم موبايل كتله اي الرقم 0770 16 كال اي وبعد
كتله كمله من عندك يرهم ولفة بيدي اكل وابجي 😂
كال وين اخر شي تركتيهم
كتله يم محل يبيع *** خالتي تريد تشتري معدها لان😂
كال شسم المحل كتله هو ابو **** ماما تعرفه اني مااعرفه كال بس امج وخالتج
كتله لا بعد بنت خالتي هذة المخطوبة ومفسوخة عقد فلشوها لان خالتي تريد ذهب هوايا .....
اخر شي كعد يمي كال ماعوفج الا ارجعج لاهلج
وظليت اسولف شكو بكلبي حجيته وجابلي لفة الخ
شوية وجان ماما تجي من بعيد تركض خايفة وخالتي وراها
شبعتني كفخ وتشكرت من الشرطي
كال الها حجية بعد لطلعيها وياج
كالتله تسلم ابوي هالمقصوفة العمغ خوما ضوجتك
كال الها وصلنا للسالفة ابو محمود الحلاق الي مقبل يتنازللكم عن حصة البيت وانتو اجيتو🙄
هالحقير فتن عليا وانحرمت من نزلت السوك
_________
وسيم من ينام بليل يحط ايده جوا خده
واني احضنه واحجيله قصة
بس القصة هي نفسها يومية اعيدها وهو كلما احجي كلمة يكول ااي متلهف
القصة :
(كان ياماكان في قديم الزمان كان اكو بيبي صغير امه تحبه وتريد تنومه وهو ميقبل وجا العوعو وخطفه وعاشو عيشة سعيدة)
صار ليليتين يشبعني ضرب بس يسمع اوصل (كان اكو بيبي) هو يتخبل ويبجي ميريدها
بله شحجيله هذا ؟؟؟
من صدك اريد افكار
طبيت لكوكل كلها قصص طويلة وميفهمها
انتو شنو تحجون قصة لاطفالكم؟؟
_________
بــ؏ــد بارت
