خالتي اتصلت على زوجي بالغلط وتسولف
هو عباله اكو شي او تحتاج شي رد عليها بس هو افتهم انو الموبايل متصل بالغلط وهي دتسولف ويا شخص يمها الظاهر
اجه كال لج مريم هذة خالتج المثبورة اتصلت بيا وبس ترطن يول مافهمت كلشي عليها ليكون تريد شي
كتله شكالت ؟؟
كال شمدريني الظاهر دتحجي بالسرياني
جهازه بي تسجيل فتحه
جانت دتكول
(مقصوف الغقبي جا عملي الدغيج ماصاغله كثيغ وكلتا فقعت الله يفقع مغاغتوو تعالي اغشعيها فوتي اطمشي حتى لاتقولين نرجس قتكذب)
كتله ترى دتسولف بالمصلاوي ويا بنتها الظاهر الموبايل بيد الجهال كال ترجمي اشوف خلت بالي هالمتوارية الله يكشها
كتله دتكول مكصوف الركبة جا سوالي الدرج وماصارله جثير وكله اتشلع الله يشلع مرارته تعالي شوفيها طبي دحكي حتى لاتكولين نرجس دتجذب 🤣🤣
شو كال لج عجل من هذا من تتصل بيج تفتحين مايك
اثاريج مأمنة يعني حتى اذا تحجي عليا اني اضحك وماافهم شدتكول الله يثبركم يمعثرات يولو 😂😂😂
