خلصنا غدا وخالتي كالت طبي ادرسي ووسيم اني انومه واشيل السفرة
ووسيم بعد الغدا خدودة تصير حمرة يخدر عالنومة
اخذته بحضنها وتلوليله
واني دخلت اتراسل ويا الطالبات الوياي وكبالي الكتب ااشر الواجب
شوية واسمع صوت طركعة بالكومدينو كلت يجوز متوهمة انوب الصوت صار قوي صوت خرخشة
انرعصت كمت وكفت فوك التخت صحت منوووو
انوب صوت يصير اقوى
الا شوية جان وكف كلبي انفتح باب الكومدينو وطلع وسيم بيده خاشوكة وحلكه كله مرك من خوفي كمت اصرخ وهو يحسب العب ويا اجا يمي بالخاشوكة يكولي حووو على اساس شايل سلاح على اساس يخوفني
اخذته وطلعت شفت خالتي نايمة تشخر
وهو لاعب طوبة بالاكل
والحلو مغطي خالتي بزولية صغيرة مخليتها اني يم الباب مداس
من ذاك اليوم فقدت الثقة بخالتي
ومن كعدت ادكولي دليمي امعط مامسمى و مينكدرله اني شكو 🥴🥴
تغلط على ابني لعد لو تعرف بشنو جان مغطيها جان هججتنا للانبار مشي 😂😂
احجولي مواقفكم وهم عدكم هيج مخلوق امعط😂😂😂
