تدرون اني والحلويات جنا عشق لاينتهي و حاليا اني محرومة منها لان من اكلها أضطر اخذ جرع ويتخربط عندي كلشي ومو بس الحلويات...
اعتزلت عن اكل الدسم والدهون بسبب علاج القلب ...
هالاكلات شكد احبها واموت بيها بس من اعتزلت عنها هذا مايعني اني اكرهها
نفس الشي بعلاقتي بأبو وسيم ...دتسألووني شلون تتراسلون وعلاقتكم قائمة ويتحكم بيج وانتو منفصلين ؟؟؟
مو حرام ...
اول شي صح كلمن بديرة بس روحي يمه وقلبه يمي بس اذا تقاربنا نأذي بعضنا ونجرح بعضنا
تدرون ليش اخلي يدخل بحياتي ويتحكم بيها ؟؟
لان لحد يومنا هذا هو مسؤل عني ما يمر يوم اذا مانتخابر ونفتح فيديو هم يشوف وسيم ويطمن
ترى مو كل انفصال يصير لازم ناس تنعل ابو ناس
اني مو بس احترمه
اني احبه هم وبدون مبالغة نحن الشخصين بالاخص نحس بعضنا الا ابعد الحدود
مرة بليل كعدت ساعة عبرت ٢ ظلمة ووضعي متخربط
كوابيس وسكر مرتفع ميته عطش ضو الموبايل يمي يطفى ويعلك صامت لان وسيم لايكعد
اشوف الاتصال هو رديت
والله العظيم اول كلمة كالها بالي يمج محتاجة شي؟؟
بس سمعت صوته كمت اشهك وابجي
تفاجئت وهي مو اول مرة تصير والله بس اكول الو يحس بيا شي...
هو تؤام روحي شي حلو بدنيتي واحلى شي صار عندي وسيم من ريحته احس نحن مو اب وام وطفل
احس اني ووسيم وهو ابونا
لاتحكمون على كلشي بالحرام
الحرام اذا تعديت حدود الله
______________
