شاب في ليلة فرحه وبعد ما تم الفرح روح هو والعروسة لحوووشهم .. اتصلو بيه صحابه و رن التليفون العريس : الوووو المتصل : السلام عليكم ألف مبروك العريس : وعليكم السلام اللّه يبارك فيك وينكم مش علي اساس بتجو للعرس ؟ المتصل : السيارة وقفت ونحنا جايين في الطريق وتأخرنا ولما وصلنا قالونا روح هوا والعروسة ، روحنا .. العريس : به شن اتعشيتوا ؟ المتصل : تبي الحق متعشيناش العريس : عشاكم الليلة عندي المتصل : متجيش إنت عريس وهذا يوم عرسك !! المهم مافيش فايدة ،العريس مصمم يتعشون عنده العريس : أنا قاعد نستنى فيكم متتأخروش !! العروسه واقفة مصدومه مش مصدقه !! قالها : أنا طالع شوي و راجع نلقاك دايره العشي . وبعد ما كمل كلامه دق جرس الباب قال : وصلوا خلاص نوضي طيبي العشي ومتحشمنيش قدام الناس .. المهم المسكينة في المطبخ تقرض البصل وتقطع في البطاطا وعيونها يدمعو تبكي وتقووول : غدوة من الصبح لازم نروح لحوش بوي و نطلب الطلاق شن هالعيشه بينكدها عليا من أول يوم الله لا تربحه هوا وصحابه وقت عشي توا !! طبعا الشباب اتعشوا وروحوا والعروسه قعدت تغسل في الماعين بعد شوي جاها وعطاها 5000 دينار وقاللها : هاذو الفلوس ليك قالت : كيف يعني ليش ، ما افهمتش ؟ قاالها : هذا الرهن اللي بيني وبين أصحابي الخمسة انه كل واحد يدفع 1000 دينار لو خليتك اطيبي يوم عرسك ضحكت العروسه معا ابتسامة عرييييضة وقالتله : أني ما درتش غير واجبي يا روح قلبي وحبيبي وعمري يا أروع زوج بالدنيا ..
قالك أبليس قاعد في الكوجينة يبكى وهو اللى كمل غسيل الماعين👿 😂😅😅 الدنيا بخوت ترجمان ترجمان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
