🎭🪡نكت ليبيه🪡🎭+1

قروبات البنات

قروبات البنات فيهم اجراءات باش تخشلهم تقول مقدم على جواز سفر، قصدي يطلبوا في حاجات غريبة جدًا، على سبيل المثال قالك قروب كراميلات باش تخشله لازم تحط إطار القروب على صورتك الشخصية وبعدين تبعت رسالة صوتية بصوتك باش يتأكد منك بنت وبعدين يقولولك جيبي رقمك الوطني ورقم قيدك ورقم سوريتك وسروالك😂😂😂 ويعطوك رقم التسلسلي متاعك باش ما تريحيش في الزرايب الثانيات نظام سعي 😂😂

قصدي راهو هو قروب في موقع افتراضي الواحد بيخش يغير جوه ويطلع مش لازم كترت الأسئلة والطلبات، مش تأشيرة للمالديف هو.

وفي كل قروب تلقى في ادمن الكل يبي يتقرب منها وقايمينها بيها وهي في الحوش حتى الريموت ما يخلوش فيه في ايدها.

كان غالط قولي ولا ناسي شي 😂😂😂