🎭🪡نكت ليبيه🪡🎭+1

الناس الأولى قالوا..

الناس الأولى قالوا..

• الراجل زي الصيد..لما يغيب يجيب..والمرا زي العصيدة..كان بردت معاش تنقرب..

• ولدك كان كبر خاويه..وبنتك كان كبرت صاحبها..

• والغريب والفار..متوريهمش باب الدار..

• وخوذ بنت الأصول عليها الزمان يطول..

• وسكر دارك قبل ما تخنب جارك..

• واربط تلقى ما تحل..

• واللي يحط التريس ف ظهره ما يرقدش..

• واللي يعشم الولايا ما يربحش..

واللي تخدمه طيعه..واللي ترهنه بيعه..

• وعيش راجل وما تحطش خشمك ف الوطا..

• واعطي كلمة وموت دونها..راهي التريس ترتبط باللسان..

• وخش البلاد بهلها..

• وكان تغربت عليك بالسكات..

•وردبالك تخش في عركة بين نسوين

•ردبالك تلعب ع بنت لي عطك ثقه لينه ثقه متجيش بي ساهل في الوقت هد

•عيش كل يوم أو يومه مره طايحه مره مقيومه