🎭🪡نكت ليبيه🪡🎭+1

نصيحه مني ليكم

ما تخليش أهدافك مرتبطة بأرقام، ما تقولش لازم ندير المبلغ هداكا في خلال سنة ولا ستة شهور، لان لو ما قدرتش توصله حا يصيرلك احباط ونفسيتك تتعب. (ما نتكلمش على النشاطات التجارية، نتكلم على خدمة الفرد والتشنكيش العادي)

وما تقارنش حياتك بحياة شخص ثاني، كل واحد وظروفه بروحه وكل واحد عنده رؤية تختلف على الثاني، كوّن أجواء خاصة بيك وابني عالم ليك بروحك وما تتأثرش بالوضع اللي صاير حولك هلبا.

وكان كيف بادي في مسيرتك المهنية رد بالك تقارن نتائجك بموسم حصاد الحيتان الكبيرة، يعني لو انت كيف بادي تخدم على راسك ما تجيش في نهاية السنة وتقارن أرباحك بأرباح حسني بي.

ونختم كلامي بقول الله عز وجل {‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}

بجد ان شاء الله  تكون عجبتكم دمتم في امان الله وحفظه ورعايته

قولي شن نزلكم غضوه