لكن الحياة لم تنتهي

الحلقة 1

"لكن الحياة لم تنتهي"

#"الـكـاتـبه ريـم الـصـائغ"

خلص فيض العشك والشيب اخذ دوره
وبرد كلبي وهدت كل ذيج الحروره
والبوم الصور مالتنه ضل مطروح
لاديه التكلبه ولا شفت بي صوره
منا وانتهت رايدلي راحة بال
زحمه سنيني احسها وياك مهدوره

...............

في منطقة شعبية في بابل سنة1975 سكنت عائلة الام زهرة والاب رضوان عائلة محترمة متكاملة عندهم بنتين الجبيرة اسمها رواء والثانية اسمها أمينة
نخلي قصتنا بيد أمينة ونسمع منها قصة عائلتها

أمينة،. اسمي أمينة ثاني بنت بالعائلة مواليدي1975 اختي الجبير اكبر مني بسنتين ابوي وامي يحبون الاطفال وينتظرون الولد جنة عايشين بيت جدي ابو ابوي جانت حياتنا ماتخلة من المشاكل بسبب جدي ومرتة على ابسط الاشياء نتعارك مرة ابوي جاب الامي ليمون

الجدة،.ايييي كام يجيب ويضم بغرفتةةة مايكول هذولة اهلي يشتهون يأكلون وياية جان استحيت على نفسك

رضوان،. يمة مرتي كعد تتوحم حامل وجبتلها ليمون يايمة كفرت شسويت

الجدة،.لالالا اني ادري بيك انت تريد تعزل وتأخذ مرتك وتطلع من بيتي ولك حامد كووم جيب كيلو الليمون واشوف منو يمد ايدة عليه وياكل

حامد،. حاضر يمة حسبي يمج الليمون رحت جريت العلاكة من ايد زهرة واحطيتها بايد امي

زهرة،. عمة والله مشتهيتها حتى لو شيف واحد انطيني بس أكلة والله جنت مشتهيتة

الجدة امشييي منا يلمصكوعة الله ياخذج ويخلصنة منج

اباوع على رضوان ماكدر يحجي هزيتلة براسي كتلة عوفة مااريد لا تسوي مشكلة

بهاي الايام جان رضوان يحضر نفسة حتى يروح إيفاد إلى السويد يخترع جهاز ميكانيكي للسيارات راح لمدة 8 اشهر هاي ال8 اشهر زهرة جابت بنت ثالثة

الجدة،.اييي هو انتي مافالحة بس بجيبة البنات اني اريد حفيد يشيل اسمي الله ياخذج أن شاء الله اذا مايجي رضوان وازوجة ماارتاح واكسر عينج يلمسلوعة

زهرة،. يا عمة قابل هية بيدي اني اجيب البنية لو اجيب الولد بيد رب العالمين عمة لاتسوين بيه هيج والله مامسويتلج شي ليش تكسرين بختي

الجدة،. انجبي لابارك الله بيج جيابة البنات الغمات كومي من وجهي

زهرة،.جبت بنية ثالثة سميتها منال جانت مواليد

1976 صار عمرها 5اشهر الطفلة لوعتني وينك

يارضوان عني تعال شوف حال بنتك مااعرف شنو

الي بيها ولااحد يقبل ياخذني الدكتور ويشوف
حالتها اويلي عليج يمة

امينة،.يمة شبيها منال ليش دوم تبجي ماتسكت والله ضوجتني