#لـكن الحـياة لم_تنتـهي
"الكـاتبة ريـم الـصـائغ"
الحلقة:5
...................................
يا صاح دهري بكدر وبضيم خلاني
ابعدني عن صحبتي وهلي وخلاني
مجابل ادروب الخلا وانتضر خلاني
شتت افكاري ولاجدمي يعن ساري
وياولفي ليش الجفا مره علي ساري
محد وفالي وفاء الشير لساري
بصحراء تركوني وتبرت حتى خلاني
امينة،.ثاني يوم عرسي اسمع عمتي تصيح
وضحة،.اييي يالعروس كومي اشتغلي كافي نوم ماشبعتي
امينة،.لا والله عمة مانايمة وهسة راح اصعد اغسل السطح وأشر الهدوم ماعندي شي
وضحة،.ايي ديلا خاتون عهود طلعت موهنا الشغل اليوم كلة عليج
امينة،.صار عمة تدللين
غسلت السطح وشريت الهدوم وسويت اكل ونظفت البيت ونزلت وهذا اول يوم الي عروس
مر اسبوع واجت السبعة مالتي سوينة حفلة بسيطة
وبيومها حماية حمد اجة جوعان وكال العهود صبيلي اكل ماقبلت
حمد،.كومي ولج والله اكل الامي اخليها تسكطج صبيلي اكل
عهود،.والله لو تطلع نخيلة برأسك مااصبلك امشيييي روح لامينة خلي تصبلك
حمد،.صار هسة اني اعلمج شلون ماتقبلين يمةةةةةةةة
وضحة،.خيرك تلعلع شبيك
حمد،.يمة عهود متصبلي غدة واذا ماكامت راح اكتبها
وضحة،. ايي دعوفها هاي مو مرت اخوك كاعدة خلي تصبلك امينووو صبي اكل الحمد خلي يتغدة
أمينة،.عمة والله العظيم تعبانة ودايخة وجسمي مااكدر اشيلة فدوة خلي عهود تكوم مااعرف شبيه اني
عهود،. هيييج الحجي كامت تدلل عيني شكلنة انطيناج عين زايدة انتي كوووومي لج يلااا
وضحة،.كلشي مابيج جنج حصان تمشين لو هاي بس ويانة هيج من يجي خالد تكومين تركضين
أمينة،. لا والله عمة مريضة واريد خالد يرجع وياخذني للمستشفى مااعرف شبية
وضحة،. اييييه اني اكوم اكعدن عيني يلمدلولات
وانتي الثانية امينوو خافج حامل ولج اسمعيني ديري بالج تجيبيلي بنية وتصيرين جيابة بنات مثل امج مامنها خير بس تذب بنات مامنهن خير
أمينة،. الله كريم عمة اذا الله رزقنة بنية نذبها لو نكتلها شنسويلها
وضحة،.المهم اني كتلج أخذي حذرج وديري بالج اني اريد ولد يرفع راسي خوش لولا
أنت تقرأ
لكن الحياة لم تنتهي
General Fictionقصة حقيقة عائلية مشوقة حياة ظالمة تتعب عائلة كاملة بسبب عثرات الحياة ومصاعبها وفي نهاية المطاف يفتح باب جديد لبداية جديدة وجميلة تابعوني 🖤✨ الـكـاتـبه ريـم الـصـائغ
