لكن الحياة لم تنتهي

الحلقة 10

لكن_الحياة_لم_تنتهي

#الكـاتبة_ريـم_الصـائغ"

الحلقة:10

الدنيـــــا  لــو  رادت  تـــذلك
تعتني ‎لگلبك تلچمك بالعزيز

عريان السيد خلف

..............................

امينة،.ظليت مكابلة عامر وسامر وابجي وهمة يبجون وياية واحجي وية نفسي اني المن اسولف ومنو راح يصدك بيه اني بعد ماابقة هنا اشوفلي حل لازم كلما يطلعون يكوم يسوي هيج من جديد ظليت كاعدة وكلشي ماسويت رجلية يرجفن ومااسيطر على نفسي من الخوف الي صار بية والقلق اخاف ميصدكوني ويحطوها براسي مااسولف لأحد احسن ابقة ساكتة
لالا اسولف العمتي لو عهود لو فطم المن اسولف ياربي افرجها
ظليت كاعدة إلى أن صار اليل اجتي عمتي فلشت الباب نسيت اني قافلتها خاف يرجع رجب للبيت ركضت أصيح منو ورجلية يهتزن خاف يطلع رجب ورة الباب

،.منوووو ورة الباب

وضحة،.دفتحي يالمصخمة صارلي ساعة صالبتني ورة الباب افتحييي الباب

أمينة،.اسمع صوت عمتي وحسيت اجاني الانقاذ وراح هسة تساعدني ركضت فتحت الباب وتلكيتها شايلة علاليك اخذتهن منها وطبينة للبيت

وضحة،.شبيج تتراجفين وقافلة الباب عليج ليش

أمينة،.عمةة اااةة ارتاحي وبعدين اسولفلج

وضحة،.احجي مابية حيل بعد اريد انام يلة

امينة،.حاجتني هيج اتذكرت امي زهرة وظليت ابجي والشهكة لأزمة صدري وكوة تطلع الحجاية مني

وضحة،.ياااااع شبيج ولج ليش تبجين هيج فهميني شنو سالفتج شصاير وياج كلبي مامرتاحلج

امينة،.عمة اسولفلج بس عليج العباس لاتكولين لأحد وانتي حلي الموضوع

وضحة،.غير تحجي مو شلعتي كلبي فضيهاااا

أمينة،.عمة جنت بالبيت العصر اشتغل ورجب كاعد بالغرفة مالتج والجهال يلعبون بالغرفة مالتي صاحني رجب يكلي تعالي الغرفتي اريد احجي وياج جم شغلة كتلة شتريد كلي هيج جم شغلة على طخة اريدج يمي

وضحة،.صخااام وجهج ولج خوما تقربلج

امينة،.ظليت أصيح وطلعتة للشارع وقفلت عليه الباب خفت خاف يجي بعد عمة شسوي والله اني ماسويت شي هو اجة وحاجاني يكلي اريدج وإذا تردين احلفلج

وضحة،.باعي ولج اذا اسمع منج مسولفة لأحد ادفنج وانتي حية هنا بالحديقة ومحد يدري بيج خوش لولا اياي واياج تحجين الخالد شي واذا صار خراب بين الإخوان اجي اني اعلمج منو وضحة على أصولها ترة ماشفتي مني شي بعدج بس اصبريلي بس اسمع منج حجاية طالعة احسبي نفسج انتهيتي

امينة،.بس عمة والله اني ماسويت شي واذا هيج وتحجين صدك بعد لاتطلعين وتعوفيني وحدي هنا وياا رجب لو تشوفيلج حل ثاني اني مااتحمل يصير بية هيج واسكت والله حرام عليكم فوك ماانظلمت هيج تسوين بية بمكان ماتكعدين تأدبين رجب ترجعين عليه