#لكن_الحياة_لم_تنتهي
#الكاتبة_ريم_الصائغ
الحلقة:18
تستاهل تضل وحدك...
يل كرهتني بطيبتي!...
يل جنت مو من التفت...
كدامي تاخذ غيبتي...
مو اني الارجع منكسِر...
مِنك رجعت بهيبتي...
واخر قصيدة اكتبها الك..
ومنا واسد موضوعك...
يل شوفتني دمعتي..
لازم اشوف دموعك..!
..............................................
امينة،.طاحو بحضني وابجي عليهم اشوف حالهم فدمرة ملابسهم مشككة ومزرفات والدنيا شتا وشعرهم مكفش وحالتهم حالة ركضت نزعتهم ملابسهم وطببتهم الحمام وجلفتهم جلف وجنت مشترية الهم ملابس جديدات مال بيت ومال طلعة لبستهم طلعو يخبلون وين جانو ووين صارو غزل كبرانة وماهر استحق يدخل مدرسة هاي السنة
ماهر،.ماما راسي كعد يحكني حيييل خبلني مااعرف شبي
غزل،.ماما اني هم كعد يحكككني
امينة،.عزاا ولكم بس لا بيكم گمل ولج يمة تعاليلي حبابة انتي تعرفين بهلسوالف ذولة ثنينهم يصيحون راسنة يحكنة
زهرة،.وج بس لا گمل بيهم
فلينة روسهم ثنينهم رأسهم گمل كوومة
رضوان أنت اخذ ماهر روح زين راسة صفر وهاي البنية اني أوصي وسام يجيبلها دوة من الصيدلية نكتلة
غزل،.ماما يعني شنوو گمل
امينة،.ماما هذا دود صغار يطلعون بالشعر من الوصخ يجي للشعر
غزل،.يعني هسة اني براسي اكوو دوووودد
امينة،.لاتخافين حبيبتي هسة انوصي خالة يجيبلنة دوة من نحطة على شعرج هو يروح وحيدة مايسويلج شي
غزل جان شعرها طويل وثخين كلللش وعكش ينشلع كلبها خطية بين مانطلعلنة وحدة من شعرها وصينة وسام كام ينكل أدوية كل شيشة شكبرها ونديرة فوك رأسها ثلاث علب كبار يالة خلص شعرها من الكمل
اما ماهر آخذة أبوية للحلاق
رضوان،.بوية زين هذا الطفل صفر اريد
الحلاق،.صار عمي
آخذة الحلاق ديزينة وشافة كان يصيح
عمي صدك تحجي هذا الولد بي كمل شلون هيج تجيبة
رضوان،.والله يابوية واحنة هم ماندري ذولة الجهال جانو يم ابوهم وأمهم يمنة وصاير هيج حال الضيم حالهم البنية راح يعالجوها بالأدوية وهل ولد انت زينة والله ماجانو يمنة
الحلاق،.صار عمي صار تدلل على راسي
حلقلة صفر ورجعو للبيت ويصيح ويبجي ماهر
ماهر،.مااماااا حدووو مص شععررري كلةةة صار موحلووو ماكوو شعر ماما شوفي ماكو ماكوو
امينة،.عادي ماما حبيبي جم يوم ويطلعلك احلى منة
ماهر،.جان شعرة طويل ولادي لحد نهاية وجها واشگر يخبل ومايحب يكصة وأمينة عايفتة على راحتة ومن كصو أتأثر بي وظل يبجي
أنت تقرأ
لكن الحياة لم تنتهي
قصص عامةقصة حقيقة عائلية مشوقة حياة ظالمة تتعب عائلة كاملة بسبب عثرات الحياة ومصاعبها وفي نهاية المطاف يفتح باب جديد لبداية جديدة وجميلة تابعوني 🖤✨ الـكـاتـبه ريـم الـصـائغ
