لكن الحياة لم تنتهي

الحلقة 16

#لكن_الحياة_لم_تنتهي

#الكاتبة_ريم_الصائغ

الحلقة:16

وانت تدري
وكعة المثلي جبيرة،
سألوا فراگيش؟گلت فراگ ديرة
گالوا نشيلك؟
گلت بس بهداوة
مثل اليشيلون جام
ابدوا ب ضلوعي الجبيرة
عيني شيلوها برساله
جفوفي شيلوها بضفيرة
والاحسن تعوفوني واگع
الوگعه راي
الوكفه حيره ....!

.....................................

طحت بالكاع وعيوني غوركن دموع واحس كلبي كعد يتكطع

امينة،.علياء جيبيلي تلفووووووني بسرررعةةةة

علياء،.ركضت ادور على تلفونها لكيتة بجنطتها طلعنة وركضت انطيتهياه لزمتة مني وايديها اباوعلهن يرجفن
كتبها على منو تردين تتصلين

امينة،.اكمشي التلفون عيوني ماجاي اشوف بيهن خابريلي على خالد بسرعةةة علياء

اخذت التلفون ودورت على اسمة كاتبة عليه حبيبي اتصلت عليه وانطيتهياه

امينة،.مااحس على نفسي ابد جسمي وايدية كلهن يرجفن ومامسيطرة على نفسي على ساعة اطيح ظل يرن يرن وكطع مارد علية
دكيلي عليه من جديد ليش ماااااجااااييي يرددد عليةةةةة اكيد متونس هسةةةة

علياء،.اخذت التلفون ودكيت من جديد وانطيتهياه

امينة،.ظل يرن يرن شوية ورد علية
الوووو خالد وين انت وين رحت

خالد،.هاااا اةةة اني طلعت للسوك وية صاحبي ليش شكو محتاجين شي اجيبلكم وياية

امينة،.اسمع يمة كل صوت ماكو سنطة مومال سوك اكيد للمكان الي كاتبتلهياه بالرسالة
خالد لاتجذب علية احجي انت ووووين

خالد،.شبيج أمينة شصايرلج شنو شفتي علية شسويت من جديد

امينة،.خالد اني قريت الرسالة هاي الساق..... ظل تلك مكااان وانت رحتلهااا موووو

خالد،.منو كلج هلحجي كلة جذب اني بالسوك

امينة،.خالد اليوم بي هوسة وصوت ناس تصيح مكانك سنطة مومال سوووك احجيييي الحقيقية خالد وين انت واني ادري انت طالع الاث.......ب........ قريت الرسالة بيها المكان

خالد،.شبيج حبيبتي والله العظيم عندي شغل وياها ماعندي شي اطمني اني احب واداريج واخدمج على راسي لاتضوجين انتي

امينة،.خاااااالد لا تقشمرني بذني سوالفك

خالد،.روحي أمينة موووو وكتج هسة كلش 

أمينة،.ماشي خالد بس ارجع واني اشوفك شلون تسكتني بحجايتين

خالد، ولج تهدديني انتي وقندرتي ترة خوش لولا امشيييي يلااااا مالي خلكج

سديت بوجها وظليت كاعدة ودموعي تجري شسوي ووين أروح المن انطي وجهي بعد ياربي دخيلك ساعدني مددت على جرباية امي وگرفصت على نفسي وابجي كل حيلي بحركة كلب وأصيح وية بجيتي احس كلبي ديطلع من مكانة وعقلي يصيح كاااافي اوعي على نفسج وتالي وياج ويرجعون جهالي على بالي شنو ذنبهم خلفتهم الاب مايسأل عنهم ولايكول شيحتاجون مايحتاجون اب حائر بنفسة وبكح..... الي يومية وحدة جايبها مدري من ياخيسة تعبت من حياتي الي ماشفت منها شي بس زين وظلم وشلعان كلب شنو ذنبي ربي ليش خلقتني واني كظيت حياتي قهر اخاف امي داعية علية لقد يوم مغربية بس اني مامسوية شي الهم والله مااذيتهم اسئلها اكلها