لكن الحياة لم تنتهي

الحلقة 15

#لكن_الحياة_لم_تنتهي

#الكاتبة_ريم_الصائغ

الحلقة:15

ياهوَّ يدري بگَلبي چَم جاهل بچه ؟
ياهوَّ سامعها لصَفنتي !
أنطيني راحة بالك وچَيل حَسرتي
أنطيني وكتي . .
لمهِن سنيني الضَيعهن دهَر
تاتي يَم شُباگك أنتَ
آني شُباگي أنفطر .

.........................................

امينة،.ظليت صافنة على خالتي وبناتها ووياهم علي جاي العرس رنا احس كلبي وكع بين رجلية من شفتة دخلت خالتي سلمت عليها بس احسها ضايجة مني كلش من ورة خشمها تحجي وياية سلمت على بناتها ودخلو بقينة اني وعلي بالباب

شلونك علي اخبارك صحتك شلونها أن شاء الله تكون بخير

علي،.الحمدلله على نعمتة بخير اني

امينة،.دومك أن شاء الله

علي،.انتي شلونها صحتج وضعج شلونة

امينة،.الحمدلله على كلشي صار عندي ثلاث ولد وبنية وعايشة بخير ونعيم من رب العالمين

حجيت هيج واكس فدشي انكسر بكلبي من حجيت جذب حتى ماابينلة اني متعذبة بحياتي ويتشمت بية

علي،.الله يحفظهم الج بس شكلج يعكس الحجي الي تكولينة شكلج تعبان

امينة،.شنو يعني مافهمتك

علي،.خلي ندخل احسن تعبان من الطريق

عرفتة يريد يسد الموضوع سكتت وماحجيت شي بعد شاف الجهال وسلم عليهم رحت اني يم خالتي وامي احسها ماطايقتني كلش اتقيدت كلش بحركتي وماكمت اعرف شنو اسوي والي جاي يصير وياي عفتهم ورحت يم خواتي يجهزن نفسهن للعرس ويحضرن غراض رنا يحطنها بالجنط كعدت اسوي وياهن

علي مابقة يمنة راح يم بيت جدي طبعا جدي متوفي وبس بيبيتي عايشة وخوالي حيل ظالميها عبالك مو امهم يكفخون على رأسها ليل نهار ومخليها خدامة لزوجاتهم اجتي يمنة همين ببيت اهلي وظلت لحد يوم العرس

خالد وياي كول هاي الفترة ويروح ساعة وساعتين ويرجع احس ان ماعندة شي مومثل قبل احسة تغير شوية ومااعرف بعد امشي ورة حجي كلبي الي كاعد يزن بعقلي ومااعرف القرار الي لازم آخذة

صار يوم العرس رحت واشتريت ملابس الي وللجهال اخذت فستان بسيط طويل وكعدت سويت مكياج النفسي ولقيت شعري من اليل حتى يتلوى شعري جان دوم اصبغة الوان غريبة واحب اعتني بي هالمرة جربت لون احمر ناري واني بيضة طلع يخبل عليه بس لازم النهار كلة مكياج وياه

بدلت الجهال وطلعو وية خوالهم حسام ووسام وبدلت الغزولتي وسويتلها كرون ثنين منا ومنا طلعت تخبل وهبة مدنفشة صايرة حطيتلها قرديلات وبوند ولبستها بدلتها جانت لونها اصفر تخبل عليها طلعت وحذائها وياها