لكن الحياة لم تنتهي

الحلقة 4

#لـكن الحيـاة لـم_ تنتهـي

"الـكاتـبة ريـم الـصـائغ"

الحلقة:4

.................................

سهله اشلون عندك تجفي الاحباب وتعوف الموده وتنكر .... العشره وتسويها بزعل ما نعرف .. الاسباب وخاطرنه عليك تزعله ... وتكدره بطلنه العتب لن ما يفيد ... عتاب لان تنكر بساع وحجيك ..... تغيره روح وداعة الله ولا تدك .... الباب وغيابك نعرفه بيوم ...... ونفسره اوديلك رساله ويه الهوى الهاب وارسملك كلب مجروح من .. قهره عرفتك ما تحب وبالعشك ... جذاب وكلام الشوك تختاره .... وتسطره يا خايب لا تأمن للوكت ... دولاب يجيك اليحرك كليبك ..... يحيره وتجيني ودمعك من الندم .... سجاب بس الخان كلبي ما ....... اعذره واليغدرني مره بلاية ...... اسباب اسد بيبان كلبي وما ..... اقدره ولا افسح مجال واسمع ..... عتاب اخاف يلين كلبي وينسه .... غدره واحلفلك كليبي من السهر ... تاب بعد ما الوم كلبي ولا ... واسهره

علي،.انتي شعندج هنا جاية شتسوين كدامي

امينة،.اباوعلة ودموعي تكت مااكدر ارد عليه شنو اكولة انخطبت وراح اتزوج شنو الي احجي

علي،.وينة وعدج الية تكليلي مااعوفك وين حجيج وياية اني انخدعت بيج ماجنت متوقعج هيج

امينة،.علي والله موبيدي أبوية جبرني على هذا الزواج الله يخليك سامحني

علي،.باعيلي ترة اني ألف وحدة تتمناني ويركضن وراي لاعبالج كاتل نفسي عليج ترة صرتي عندي ولا شيء بعد فعلتج هاي وياية

أمينة،.روح اتزوج وشوف حياتك وإنساني لا تفكر بية اني بعد ماافيدك

علي،.مااكلج شي بس كون ماتشوفين يوم واحد حلوو بحياتج كلة خذلتيني بي وعدج الية واغنيتة الي اختاريناها على أساس من نسمعها نتذكر بعضنا بس هاهية انتهت أمينة اني بعد مااريد اشوفج

امينة،.هاهية اني راح اروح بعد ماتشوفني

طلع وشال بطل بيدة جديد فتحة وكام يشرب شفتة فتح الباب رحت ركضت عليه

امينة،. الله يخليك لاتطلع من البيت اخاف عليك اني والله

علي،.امينة اتركييينييي بحالي مااريد اشوفج كاعد برة اني بالحديقة

طلع برة وحط بطلة بصفحة وجاب المسجل وعلك اغنيتهم

انا بعشقك    أنا كلي لك

يامن ملك روحي بهواك الماضي لك وكلو لك
ميادة الحناوي

يسمع بيها ويبجي اسمع نحيبة والونة مالتة يجرها تشك كلبة شك مااتحمل وكام يصيح

علي،.اني تعوفيني ويصير هيج حالي ليش هيج ربي اني شمسوي يمك

ظليت اباوعلة وابجي من بعيد مااتحملت ابقة ردت اطلع بليل ارجع الكركوك بس امي ماقبلت