لكن الحياة لم تنتهي

الحلقة 11

لـكن الحيـاة لم تنتـهي

#الكـاتبة_ريـم_الصـائغ"

الحلقة:11
....................

لا شيء أشدُّ وجعًا من أن تشعر بالندم على نفسك، على أمور حدثت لم تكن تستحق حدوثها، على ثقتك العمياء بالأشخاص، على مغفرتك الدائمة لمن أساء إلى روحك، على تمسكك بمن لم يدركوا يومًا قيمتك.

أمينة،.حضنت خواتي وأهلي وظليت ابجي واشهك بالبجي كوة سكتنة كلنا وطبينة البيت

زهرة،.شلونج يمة بنيتي شخبارج شنو الي صار وياج هاي السنة ونص اني ماشايفتج بيها والله كلبي يمج بس شلون اوصلج

امينة،.زينة يمة الحمدلله زينة اني هم والله اشتاقيتلكم كلش هواي وكلبي يمج ويم خواتي وأبوي

زهرة،.كلنة زينين وبخير بس انتي كطعتي هاي الكطعة ظل كلبي وياج احس يصير وياج وكلبي يفرفح عليج ومااكدر اعرف اخبارج

امينه،.يمة تعبت اني كلش هواي تعبت وتأذيت وياهم ومن ارتاح واسولفلج كلشي يمة كلشي اسولفلج اريد ارتاح بحضنج يمة

كملنا الغدة وتغدينة وغديت الجهال ونيتمهم واني وامي ظلينة كاعدين نسولف

زهرة،.ايي يمة سولفيلي شنو الي صار وياج كلبي مامرتاح من يوم الي رحتي بي

امينه،.ظليت صافنة بيني وبين نفسي هسة اني اذا حجيت لامي ماراح تكدر تسويلي شي قابل تروح للسماوة تهد عليهم واني خالد مايعرف بالسالفة النور اسولف الامي كبل تكل لابوية وتصير مشكلة اسكت احسن الي مااحجي بس ظلت الحسرة بكلبي اسولفلها واشكيلها همي والي صار وياية واذيتهم الية ظليت ساكتة ودموعي تجري بدون مااحجي

زهرة،.يمة شبيج غير تحجين افتهم عليج على شنو هذا البجي وصافنة

امينه،.يمة حملهم ثكيل وشغلهم هواي كلة عليه ماالحك بين الجهال والبيت واجتني فترة صارت بية حالة نفسية واخذني خالد الدكتور نفسي وانطاني علاج تالي بعد فترة يطلع هذا العلاج مال صرع ومجانين وطحتلج بالمستشفى اسبوع وعلاجات وجهالي خطية ظالين من هاي الايد الهاي الايد من طبيت للسماوة يمة ماارتاحيت ابد احسها تخنك بية

ظليت اسولفلها على كلشي من انتقلنا البيت جديد وشلون ظليت اني انظف المجاري وتعبي وياهم وماكو واحد يكلي تعبتي اليوم وشلونج بس ماجبت طاري رجب من تحرش بية ظليت ساكتة خايفة يصير شي من احجي

زهرة،.يااا يمة عمة عيني عليج كل هذا بيج واني ماادري بس يمة ارجع واكلج العيال لازم ينحملون وهذا هو شغل البيت كلنة جنة هيج اتحملي ياامي وحمدي ربج وشكري رجلج شوية زين وياج هلفترة

امينه،.الحمدلله يمة الحمدلله على كل حال

زهرة،.ايي كليلي ذني ملابسكم حلوات يمج خياطة سويتيهن لو اشتريتيهن