لكن الحياة لم تنتهي

الحلقة17

#لكن_الحياة_لم_تنتهي

#الكاتبة_ريم_الصائغ

الحلقة:17

گتلك بعد ماشوف گلبي يريدك
وبقمة استفزازك تهز ايدك
معقولة چا هالگد چنت مافيدك ؟

.......................................

امينة،.احس الايام كامت تجر بنفسها وحيلي كلة مهدود وماالي نفس بشي ولا بشغل ولابااطفال كلشي تركت عامر وسامر مدارس متوسطة وسامر سادس ابتدائي ماداريتهم ابد ولااهتميلهم ولادرستهم تركت كلشي شغل البيت كمت مااسوي لاتنظيف ولاطبخ ماهر وغزل هملتهم بس اريد اتخلص من همي باأي طريقة مااكدر ماعالجت نفسي بسرعة ظل جرح خالد ينزف بداخلي معقولة اني جنت خاملة نفسي وماباوعلي وشاف بيها شي اني مابية اريد اعرف اريد افتهم هسة احلى مني لو شنو وشنو الي ميزها عني واخذها علمودة

خابرت على امي سولفلتها

امينة،.شوووفي يمة حجيتلكم وكتلكم ديسوي سوالف من وراية وقشمر أبوية بحجايتين وسكتةةة عني تالي راح وتزوج عليةةة هذا الي أبوية شالني وانطاني آلة ماقدرني ولااحترمني بيوم من الايام شنو الي احجي عن أبوية جبرني وزوجني شخص ماجان فكري يمة ولااعرفة من يأكاع ظلمني وكسر بختييي ولجحح يمةةة

زهرة،.الله يساعدج يمةة تحملي لعد شتسوين اتعوفين جهالج وتطلكين شلووون ذولة منو الهم بعدج وتخلين ذيج السحارة تلم الاول والتاني وتعوفج هيج تحملي وقوي ايمانج بالله شنو الي تكدرين تسوية

امينة،.يمة شخصان منة قبل حتى هسة ورة مااتزوج احصل منة الله يخليج اني تعبت ومليت ماابقالهم بعد والله

زهرة،.طولي بالج ياامي وتحميل الخاطر جهالج مو الخاطر أحد

امينة،.الله كريم يمة الله كريم

سديت الخط من امي

اجتي عمتي تريد تهد علية

وضحة،.ولج وتالي وياج انتي ليش ماجاي تشوفين البيت شلون صاير هاملتة كومي نظفيلي غرفتي وسويلنة زقنبوت يلاااا

امينة،.والله العظيم ماامد ايدي على اي شي وشتريدين تسوين روحي سوي ماادخل بيكم بعد بكشاية مخليني خدامة الكم اني ومامعتبريني بشر عايش وياكم ولج انتي أولهم مداريتج مثل المي البصينية ومايوم كشت نفسي منج لو وحدة غيري اكلج اني شعلية ذنيج بناتج همة سجن يخدمج صحيح حجيي لولااااا رديييي عليةةةةة ليش هيج سويتي بية وانتي كلتي وحلفتي ماتخطبيلة حسبي الله ونعم الوكيل عليج انتي اكبر ظالمة

وضحة،.اني ماعلية ولااعرف هو يريد يتزوج اجاني كلي يمة تعالي نروح اني وياج للحلة يم خوالي كتلة علووواه ورحنة واخذنة البيت وهناك يالة كلي يمة هاي البنية أنة اريدها واخطبيلياها من أهلها كتلة يااااع شلون هيج جايبني على عمة عيني كلي يلا سويها شلون ماجان ومشي السالفة هذا الصار والحرة أنة معلية ولاالي شغل وهذا خويلد اني اعلمة مايستحي على نفسة يسوي بينة هيج