نبضات الانتقام

البارت 11

قمر..
كعدت ؏ صوت المنبهه تثاوبت بنعاس ..
وعيوني يوجعني من النعاس يربي شلون بيه هسـه اريد أنــآم فراشي دافي ونومه الصبح عزيزه ..
غطيت راسي ورجعت غفيت فزيت ؏ صوت

ام هيثم .. لج قمر كومي كومي بسرعه تأخرتيي !!

قمر .. شبيج ماما

ام هيثم .. لج أمي كومي روحي تأخرتي انـيي صوجي معتمده ؏ الزفت مالتج

قمر .. تره انـيي طفيت المنبهه مـــو ماشتغل!

ام هيثم .. لعد ما كمتي ؏ شنو مكمله نومتج ديــلآ يا عيني كومي وراج طريق

قمر وهيه تهز كتفها بمعني .. ما اريد اڪـمل نومتي وغطت راسها بالحاف

ام هيثم وهيه تجر الغطا .. لج قمر لا تخبليني من الصبح كومي لا اموتج

قمر بغضب .. اوفف اووفف يعني هسـه الجامعه واكفه ع ست قمر اذا ما داومت تنسد واللّٰـه يا الله

غسلت وجهي وصحصت فتحت الكنتور بديت امرر اصبعي ؏ الفساتين المعلكه ماعرف ليش عاجبني البس فستان بالعاده البس بنطرون ..
جريت فستان لونه كحلي يجي بينصل 90 لبسته .. خليت مكياج بسيط لفيت شالي لبست باته بيضه بلون الشال سديت باب غرفتي نزلت تريكت واحس ناسيه شي بَــس مداذكر شنو الي ناسيته سمعت صوت السياره هــآا اجه الخط

قمر بأستغراب .. بابا لــيش؟ اجه الخط لعد عمو ابو احمد وين؟؟

ابو هيثم .. ابو احمد بره المحافظه مموجود هسه روحي ويه ابو الخط وبرجعه ادبرلج واحد

قمر .. ليش ميرجعني هذا

ابو هيثم .. لا ميكدر يرجعج

قمر هزيت راسي اجيت اطلع وتذكرت الجنطه صعدت الغرفتي بأسرع ماعندي واني الهث طلعت الجنطه خليت احتياجاتي بيها باوعت ؏ الميز شفت خلخال جذبني شكله اخذته وطلعت
صعدت بالسياره سلمت ؏ البنات الي ماعرف ولا وحده منهن كعدت بصف وحده بديت اكلب بالملازم كاتبه الجدول بي اباوع ؏ المحاضرات العندي واهز ايدي كلشي مقاريه وماعرف شراح اسوي ويمكن مها أليــوم مراح تجي تأففت بضوجه دنكت لبست الخلخال وصار شكلي توب ابتسمت بمكر

.. اليوم اله اخبلك ياا أيــسر !!

وصلنه لجامعه نزلت جريت نفس وابتسمت يلا ندخل ونشوف شكو ماكو
صارلي اسبوع مجايه هنا عبالك شهر ممداومه باوعت لسمه احس بيها مطره دخلت لل كافتيريا وجان انصدم

مها !!!!!

مها .. وجع افضحيني بعد روحي صيحي بنص العالم عليش واكفه

قمر .. اكرصيني ولج خاف داتحلم

مها بأستغراب وهيه تكرص قمر من زندها .. شكو شبيج متخبله من الصبح!؟