نبضات الانتقام

البارت 24

شرايـگ نلتقي وندفن الثار الراح !
وجرحـگ فوك جرحي بجفـگ تشده!
وتاخذني بلهفتـگ وارجع اتلڪاك
واطيحلـگ عشـگ وبحضنـگ تسدة!

{اترڪم مع ابطال قصتي♥️}
________________
نداء ...
يُرجى من حضرات رُكاب طائرت الطيران العراقيه
رحله رقم 4،3 المتجه الى لندن
الرجاء التوجه الي البوابه
هيثم وهو يحضن أيد مها والابتسامه مرسومه ؏ وجهه
يلا حبيبي تعالي

مها بتوتر وفرح: هذا النداء النه!!

هيثم بأبتسامه : اي يلا

مها بتوتر والابتسامه شاكه حلكها : راح نصعد بالطياره

هيثم : لا نروح مشي

مها بضحك : لتحشش عليه

هيثم بضحك: دتعالي لا نتأخر

مها حضنت كف أيده بقوه وهو يسحب بالجنط بالأيد الثانيه الفرحه الي احنه بيها متنوصف
دخلت الساحه كبيره بحيث نبهرت بيها

هيثم وهو يأشر : هاي طيراتنه

مها بأنعفال : وينها!؟

هيثم : تعالي

مها : صعدت الدرج والتوتر الممزوج بفرح يقره الف
كعدنه بمكانه والهدوء تام والدنيا لليل والغيوم بارزه بالسما بنفسي
افتح شباك الطياره والمسهن بأديه نبضات كلبي تنبض بقوه ع خوف ع شعور حلو اول مره اصعد الطياره بحياتي واول مره اشوفها
خلصت عمري واني اشوفها بس بالافلام
صارلنه نص يوم عدل واحنه بالمطار
طلعنه من الصبح بس الطياره الاولى راحت علينه انتظرنه الطياره الثانيه وانطلقنه الندن ...
صارت مطبات خفيفه بالطياره لا ارادياً حضنت هيثم