قمر ....
تذكرت شغله اني غافله عنها ....
ولازم انفذ
هالشغله هاي كمت ع حيلي بخطوات بطيئة وهادئة حتى محد يسمعني لبست روب قطني دافي وفتحت الكنتور طلعت الملازم الي انطانيها الدكتور المهتلف لزمتهن بأيدي واني اضغط عليهن بقوه نزلت جوه بخطوات هادئه وانفاسي كاتمتها دخلت للمطبخ واخذت الجداحه فتحت الباب الرئيسي واتجهت للمخزن فتحت الباب بهدوء خوفاً من ان يسمعني الحرس غطيت الملزمه بالنفط
سبحتها تسبح تالي اخذتها وهيه تنكط
ابتعدت عن البيت وحركتها واني ابتسم والبروده تصكع صكع
ولك منو انته حتى تلغي الامتحان مني
دشوف بعد منو يمتحن خل ارسب وشنو يعني موجود دور ثاني الملزمه صارت ارماد والريحه بدت تطلع خفت ليشمها الحرس ويشوفني مشيت بخطوات سريعه واشوف الحرس جاي ابتجاهي
رئسن لبدت وره المخزن وخليت أيدي ع شفتي اكتم انفاسي وخفت لا يشوفني ويفهمني غلط وبعدين شيخلصني من بابا بقى يتحاوط ع البيت مره يمين ومره يسار ... خفت ليروح الوره البيت ويشوف النار ولو هيه طفت بس الرماد موجود
انتظرته يروح واني ركضت مثل الصاروخ ودخلت للبيت انفاسي تصعد وتنزل أيدي ع حلكي ودكات كلبي احس الكل حيسمعها دخلت للمطخ شربت مي وصعدت الغرفتي قفلت الباب وبدت انفاسي تهدى نزعت الروب وتمددت بفراشيي غطيت نفسي وبدت الافكار تجي بالي
أنت تقرأ
نبضات الانتقام
Mystery / Thrillerفي العراق تحديداً عاصمة بغداد الساعه الثانيه عشر ظهراً بعز تموز حاره وكلوب الناس حاميه هذا الطالع عماله ويدبر لكمه عيش وهذا الفاتحله محل والسبلت يدك براسه واني كاعد ؏ الرصيف ومنتظر احد يشغلني او يعطف عليه مليت واني ادور ؏ شغل ولكل مايقبل يشغلني...
