*منهو الڪالك ناسيـگ !!!
*هم ينسى الڪمـر وڪته!!
* لو نبض الڪلب يتنڪر بدگته!!
*بس عشگك عشگ مفضوح ،،
*وعشگ الناس ڪَلهاّ مساتر وسڪتهَ'
*صرت إنتَ سِبتّ وُبِرڪبه يهودي
*هم شايف يهودي يجوز من سبته!!؟
{بارت طويل لعيونكم الحلوه اسفه ؏ تأخير بس حاولت كد مابيه اجمع الاحداث والبي طلبكم واكتب بارت طويل }
اترڪم مع ابطال قصتي♥️
______________
واكفه ؏ المرايه ارسم بالحمره ؏ شفايفي
لفيت شالي وباوعت ؏ لبسي بحركه سريعه جنت لابسه فستان صيفي بلون سمائي فاتح من مقدمه الصدر مرسوم ؏ شكل دكم مجرد فيكه لا اكثر
ومسرح الفستان بسيط ولون ساده
رشيت عطر واني اسحب الجنطه وانزل الدرج بكل استعجال
ام هيثم : ولج عوبه تعالي تريكي عاد
قمر بأنفاس متقاطعه: لا ماما تأخرت وراي شغل كومه يا دوب الحك تعرفين اليوم خميس ولود!!
طلعت من البيت وامشي بخطوات سريعه حتى اوصل لشارع العام ادعي وامشي بالكه الكه سياره عبريه تاخذني لمكان شغلي ..
صارلي اسبوع من بديت اشتغل وكُلش مرتاحه من ناحيه هالشي واخيراً كدرت اعتمد ؏ نفسي
واشيل شوي من مصاريف البيت واكدر اطلع من الحاله الي اني بيها واخيراً لكيت سياره
صعدت وكعدت بالمقدمه حتى انزل اول الناس بدت السياره تمشي سميت بالرحمان ودعيت ما اتأخر باوعت ؏ شاشه الموبايل الساعه بـ 7:23 ص
المفروض اني بـ8 بالمول شلون بيه اذا تأخرت!!
ارتجيت ؏ جام السياره الي خضني خض
واحس راسي راح ينفجر من صوتها بقيت اباوع
؏ العالم واسترجع ذكرياتي قبل اسبوع!!
وشلون كدرت اقنع اهلي!!......
بحثت عنه بالفيس وبعد مده من التفكير دزيتله
طلب صداقه عفت الموبايل يشحن ونزلت جوه
اشرب مي لان عطشت شربت وصعدت البطل وياي
طفيت الضوه وخرت موبايلي من الشحن تمددت بفراشي فتحت الموبايل وجان اشوف كومه مسجات واشعارات
كعدت مفزوعه من بين هاي الرسايل
جذبتني رساله وحده !!!!
أنت تقرأ
نبضات الانتقام
Misteri / Thrillerفي العراق تحديداً عاصمة بغداد الساعه الثانيه عشر ظهراً بعز تموز حاره وكلوب الناس حاميه هذا الطالع عماله ويدبر لكمه عيش وهذا الفاتحله محل والسبلت يدك براسه واني كاعد ؏ الرصيف ومنتظر احد يشغلني او يعطف عليه مليت واني ادور ؏ شغل ولكل مايقبل يشغلني...
