في مكان آخر ....
واكف ؏ الشباك والهوس والانتقام مغيم ؏ وجهه حسبه تاخذه وحسبه تجيبه
اباوع ؏ العالم إلي تروح وتجي وكل شخص همه بداخله اخذت نفس من الجكاره لزمت مسدسي واني اتفحصه من الجهتين خليته بظهري وطلعت صعدت بالمصعد مكتفي بالسكوت الي يشوفني يكول هنيالك ؏ هل هدوء والبرود الي شايله بَــس بداخلي ..
بركان ونار مشتعله ومتنطفى لحد ما
افوز بمعركتي
وصلت للباب الرئيسي اخذت نفس قوي من الجكاره وطفيتها .. صعدت بالسياره اسوق ولا أبالي
رجلي اخذتني لهذاك المكان وهذيج المنطقه ....
اباوع ؏ بيتهم ولا عبالك بيت الي يشوفه يكول قصر ابتسمت بحقاره
والنار مشتعله .. همست بيني وبين نفسي
.. كاعدين بيتي ومرتاحين ..
يَــلا مـــو مهم نشوف لشوكت تبقون
هنا !!!
اخذت نفس قوي واني اتفحص كلشي بالبيت انفاسي تصعد وتنزل
نزلت شوي من الجامه ماريد احد يشوفني مـــو خوفاً من احد ..
بَــس ماريد كلشي سويته يروح هباً
نفذت نظري عليها ابتسمت بهدوء
شعرها عابر خصرها وظافرته ومفاتنها بارزه الضحكه مرسومه ؏ وجهه البريئ
لابسه تراك وتسقى الورد الي بيتهم
.. اسقى بيهن بعد فتره تسقين نفسج!!
انتبهت عيونها اجت بعيني .. شغلت السياره وكملت طريقي ..
امشي بشوارع بغداد ..
الجو بده يضلم معلن عن وصول ليالي بغداد البارده ..
نزلت بمكان هادئ اني بطبعي جداً هادئ ماأحب الأماكن الي تكون مليانه ناس واطفال وهوسه ...
سديت الباب وكفت ؏ السياره جريت نفس قوي نفذت نظري ؏ النهر الي موجه تاخذه وموجه تجيبه كتفت أديه
ومكتفي اباوع الغصه بداخلي من عشرين سنه !!!!!
(فلاش باك للماضي )
يمشي وأيده بأيد ابو ..
.. بابا شوكت تجيبلي مثل هــآي السياره وهو يأشر ؏ سياره شخص فخمه وعاليه لامعه السواد
_ ابني كلشي بالصبر يجي بس ينجح هذا المشروع من عيوني اجيبلك احلى من هــآي سياره بَــس اول شي أكبر؟؟
.. اي بابا اكبر واصير رجال واخذ مسؤليتك ماما كلتلي أنتــة من تكبر راح تصير بمكان ابوك
_ ابتسم بحنان ؏ ذكاء ابنه وتربيته ..
عاشت ايدها الامك صح كلامكم باباتي
اذا تعبت انـيي بيوم اريدك رجال قوي ودير بالك ؏ امك واختك بمكاني
أنت تقرأ
نبضات الانتقام
Misteri / Thrillerفي العراق تحديداً عاصمة بغداد الساعه الثانيه عشر ظهراً بعز تموز حاره وكلوب الناس حاميه هذا الطالع عماله ويدبر لكمه عيش وهذا الفاتحله محل والسبلت يدك براسه واني كاعد ؏ الرصيف ومنتظر احد يشغلني او يعطف عليه مليت واني ادور ؏ شغل ولكل مايقبل يشغلني...
